Më shumë telashe për Massimo Ferrero. Ish-kreu i Sampdoria-s në fakt po hetohet nga prokuroria e Xhenovas në kuadër të hetimit të lidhur me fitimet kapitale të Juventus-it. Sipas shtypit italian, klubi i Sampdoria-s i drejtuar në atë kohë nga sipërmarrësi nga Testaccio do të kishte përfituar financime gjatë periudhës së Covid-it falë bilanceve artificiale pikërisht për shkak të fitimeve kapitale.
Ferrero nuk është i vetmi që po hetohet nga Guardia di Finanza. Të përfshirë janë edhe Antonio Romei, ish-zëvendëspresident i Sampdoria dhe Alberto Bosco, ish-drejtor administrativ.
Fitimet kapitale fiktive dhe faturimet e rreme përfunduan nën hetim, të cilat në veçanti i referohen shitjes së lojtarëve që u zhvillua në 2019 dhe 2020 midis Sampdoria-s dhe Juventus-it.
Rreth orës 9:00 të mëngjesit të kësaj të enjteje, në selinë e Sampdoria-s është nisur edhe kontrolli nga hetuesit e njësisë së policisë ekonomiko-financiare të Guardia di Finanza të Xhenovas për të gjetur të gjithë dokumentacionin administrativ, kontabël dhe tatimor.
Sipas asaj që pohon Prokurori Publik i kryeqytetit Ligurian, kompania e kryesuar nga Ferrero do të kishte “paraqitur fakte të pavërteta në pasqyrat financiare, si dhe forma të paligjshme të faturimit”.
Në detaje, klubi i Sampdoria-s dyshohet se “lëshoi fatura për transaksione inekzistente në lidhje me shitjen e lojtarëve që u zhvilluan në 2019 dhe 2020” midis saj dhe Juve-s.
Hetimi synon të hedhë dritë mbi shitjen e portierit Emil Audero nga Juventus-i te Sampdoria dhe të Daouda Peeters dhe Erasmo Mule, të cilët morën rrugën e kundërt në 2019.
Në vitin 2020, fitimet e supozuara kapitale fiktive dhe faturimet e rreme do të kishin të bënin me shitjen e Nicolo Francofonte, Matteo Stoppa dhe Erik Gerbi nga Juve te Sampdoria dhe lojtarit të Kombëtares së Shqipërisë Giacomo Vrioni, nga Sampdoria te Juventus.
Vrioni u ble nga Juventus-i për 4.1 milionë euro, në një kohë kur vlera e tij në treg ishte shumë herë më e ulët. Pasi qëndroi te U-23 i “Zonjës së Vjeter” dhe më pas kaloi një periudh në huazim te WSG Tirol në Austri, ai u shit për 3.66 milionë euro në korrik të 2022 te New England në MLS amerikane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rusia po komploton sabotim në të gjithë Evropën, paralajmërojnë agjencitë e inteligjencës
-
Për britaniken Express, Dhërmiu është destinacioni më i bukur evropian për pushimet 2024
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Abraham bën thirrje që të respektohen standardet evropiane: Kosova në Këshill të Evropës për stabilitetin e rajonit