Ish-futbollisti i skuadrave të mëdha evropiane, Cesc Fabregas, tashmë edhe zyrtarisht është bërë lojtar i klubit italian, Como.
Lajmin e ka bërë të ditur skuadra nga Serie B, të cilët njoftuan se kanë nënshkruar me spanjollin, që sapo ka mbyllur përvojën në futbollin francez me Monaco-n.
The wait is (almost) over 🔵⚪️ @cesc4official pic.twitter.com/KOX646eLsZ
— Como1907 (@Como_1907) August 1, 2022
35-vjeçari është pritur me entuziazëm nga tifozët e Comos, që me këtë lëvizje tregon që ka ambicie të mëdha për t’u ngjitur në elitën e futbollit italian.
Fabregas, i cili në karrierën e tij ka luajtur me klube të mëdha si Barcelona, Arsenal e Chelsea, ka nënshkruar kontratë dy-vjeçare dhe do të veshë fanellën me numër 4.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com