Futbollisti kosovar, Elvis Rexhbeçaj, është transferuar te skuadra e posa ngjitur në Bundesligën e Gjermanisë, Bochum.
Ai u transferua në formulën e huazimit një-vjeçar nga skuadra e Wolfsburg, e cila ka në pronësi kartonin e futbollistit nga qyteti i Prizrenit.
Ai sezonin e kaluar luajti në huazim te skuadra e Koln, te të cilët u huazua në janar të vitit 2020.
23-vjeçari ka zhvilluar në total 71 ndeshje në Bundesligën e Gjermanisë, me skuadrat Wolfsburg dhe Koln, me të cilët ka realizuar shtatë gola dhe ka dhuruar tetë asistime.
Ndërsa, interesant është fakti se Rexhbeçaj në ndeshjen e parë të sezonit të ri në Bundesliga, do ta luajë përballë Wolfsburg.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com