Elvis Presley “po rikthehet” me një koncert ‘AI’ në Londër

Mbreti i ndjerë i muzikës ‘Rock & Roll’, Elvis Presley është gati të pushtojë një skenë të re – inteligjencën artificiale (AI).

Një version AI holografik i Presley do të kënaqë fansat në Londër duke filluar nga nëntori, me një super koncert të titulluar “Elvis Evolution”.

Shfaqja vjen nga Layered Reality, kompania britanike e specializuar në përvoja gjithëpërfshirëse, e cila ka realizuar shfaqje të ndryshme, të tilla si; “Jeff Wayne’s The War of The Worlds: The Immersive Experience” dhe “The Gunpowder Plot”.

Layered Reality e përshkruan “Elvis Evolution” si “një shfaqje të re të madhe që feston yllin më të madh të skenës dhe ekranit në botë, Elvis Presley, me një finale koncerti të mahnitshme dhe një ftesë personale në ‘after paty’”.

Shfaqja kulmon me një përvojë koncerti që do të riciklojë ndikimin e përplasjes së parë me pamjen e Elvisit për një brez të tërë të ri fansash, duke ngatërruar kufijtë mes realitetit dhe fantazisë.

Një Elvis dixhital me madhësi natyrore do të ndajë këngët dhe levizjet më ikonike për herë të parë në një skenë në Mbretërinë e Bashkuar, teksa fansat e tij mund të presin një përvojë krijuese kujtimore si asnjë tjetër.

Përmes AI dhe teknologjisë inovative, fansat do të kenë mundësinë të vështrojnë performancat ikonike të tij, sikur ai të ishte vërtetë aty, dhe të festojnë momentet vendimtare në jetën dhe karrierën e jashtëzakonshme të Presleyt.

Shfaqjet e Layered Reality përfshijnë teknologjinë, realitetin e shtuar, teatrin, projeksionin dhe efektet multi-sensorike.

“Elvis Evolution” do të udhëtojë gjithashtu në Las Vegas, Berlin dhe Tokyo.

Kompania arriti një marrëveshje me pronarin e trashëgimisë së Elvis Presley, Grupin e Markave Autentike, i cili është pronar i Elvis Presley Enterprises, që të bëjë të jetë e mundur koncertin.

‘Elvis Evolution’ është një kontribut i brendshëm për legjendën muzikore që është Elvis Presley. Elvis mban ende statusin e super-yllit në nivel global dhe njerëzit në të gjithë botën nuk duan më të ulen aty dhe të marrin pasivisht argëtimin – ata duan të jenë pjesë e tij. Do të jetë një përvojë krijuese e cila do të jetë një element i listës së dëshirave për fansat dhe admiruesit e Elvisit në të gjithë botën; njerëzit mund të hyjnë në botën e Elvisit, të ecin në këpucët e tij dhe të festojnë trashëgiminë muzikore të jashtëzakonshme të tij”,  tha Andrew McGuinness, themelues dhe drejtor ekzekutiv i Layered Reality.

Me rreth 500 milion regjistrime të shitura në mbarë botën, Presley është një nga artistët më të suksesshëm të muzikës në të gjitha kohërat.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.