Real Madrid-i ka triumfuar në “El Clasico”-n e parë të këtij edicioni, duke e mposhtur Barcelonën me rezultat 2:0.
Nuk kaloi shumë kohë dhe në minutën e 12-të madrilenët shënuan golin e epërsisë. Lojtari më në formë i Real-it, Karim Benzema, kaloi ekipin e tij në epërsi.
Fillimisht Vinicius Junior provoi një goditje, por topi u kthye nga mbrojtja e Barcelonës te Benzema, ku francezi e shfrytëzoi këtë në mënyrën më të mirë, duke zhbllokuar ndeshjen.
Pas golit të pësuar, Barcelona u mundua të reagonte, por në pjesën e parë ata u gjenden në disavantazh të dyfishtë.
Ishte Federico Valverde që realizoi një gol shumë të bukur nga distanca, kështu duke thelluar krizën e ekipit mysafir.
Pjesa e parë përfundoi me epërsi të dyfishtë të vendasve, derisa në të dytën ishte Barcelona që kërkonte më shumë.
Shumë raste humbën futbollistët mysafirë, derisa golin e vetëm e gjetën në minutën e 83-të.
Ansu Fati bëri një depërtim fantastik drejt zonës së Real-it, i cili pasoi te Lewandowski dhe ky i fundit në mënyrë shumë të mirë shërbeu për Ferran Torres që e pati të lehtë të shënonte.
GOOOL FERRAN TORRES ⚽️
Real Madrid 2 🆚 1 Barcelona #LaLiga #ElClasico
— Garra Sports (@garrasports_mx) October 16, 2022
Barcelona më pas kërkoi me ngulm golin e barazimit, por ata pësuan edhe njëherë tjetër për t’i shuar shpresat për fitore.
Ishte brazilian Rodrygo që shënoi në minutën e parë shtesë, i cili ekzekutoi në mënyrën më të mirë një penallti që u dha pas rishikimit të sistemit VAR.
Me këtë fitore, tani Real-i merr kreun e tabelës me 25 pikë, ndërsa Barcelona ka tre pikë më pak në vendin e dytë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rusia po komploton sabotim në të gjithë Evropën, paralajmërojnë agjencitë e inteligjencës
-
Për britaniken Express, Dhërmiu është destinacioni më i bukur evropian për pushimet 2024
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Gutierres, deputetit Basha: Ndaloni së frikësuari gazetarët, boll më