Ministri i Jashtëm i Iranit, Hossein Amirabdollahian, i tha homologut të tij portugez, Paulo Rangel, se anëtarët e ekuipazhit nga një anije mallrash e konfiskuar në mes të prillit do të lirohen.
Kështu të paktën raportuan mediat iraniane.
Ata shtuan se, ambasadorët e tyre në Teheran janë informuar, por nuk përmendën se kur do të bëhet lirimi.
Më 13 prill, Korpusi i Gardës Revolucionare Islamike (IRGC) kapi pranë ngushticës së Hormuzit anijen “MSC Aries” me flamur portugez dhe ekuipazhin e saj prej 25 anëtarësh.
Anija ishte e lidhur me “Zodiac Maritime” me bazë në Londër, një pjesë e “Zodiac Group” të drejtuar nga miliarderi izraelit, Eyal Ofer dhe familja e tij.
Sulmi ndodhi pasi një sulm ajror i dyshuar izraelit goditi konsullatën iraniane në kryeqytetin sirian Damask, duke vrarë një komandant të lartë të IRGC.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Osmani uron Siljanovska-Davkova-n nga VMRO – DPMNE, por jo edhe Ali Ahmetin
-
BE është e plotë vetëm me integrimin e Ballkanit Perëndimor, thotë Hasani
-
Ish-kreu i shërbimit sekret izraelit: Lironi Barghoutin dhe vendosni për dy shtete – kështu mposhtet Hamasi
-
Siljanovska Presidente e re e RMV-së, VMRO merr 58 deputetë, “Fronti Evropian” 19, LSDM 18, “VLEN 13
