Përveç Partisë Demokratike të Kosovës, edhe kreu i Aleancës për Ardhmërinë e Kosovës ka shprehur pëlqimin e tij që t’u mundësohet qytetarëve tërheqja e një përqindje të caktuar të mjeteve të Trustit pensional.
“Qytetarët e Kosovës janë në një situatë tejet të vështirë ekonomike e sociale. Shtrenjtimi i artikujve elementarë për jetesë ka shtyer shumë kategori që të përballen gjithnjë e më shumë me mbijetesën ekonomike”, ka shkruar Haradinaj në Facebook.
“Prandaj”, arsyeton Ramush Haradinaj, “e konsideroj si një hap të parë urgjent, aprovimin e një vendimi që lejon qytetarët të tërheqin një përqindje të caktuar të mjeteve nga trusti pensional”.
Sipas kreut të AAK-së, në situata të jashtëzakonshme s’ka si të mos ketë edhe vendime të jashtëzakonshme.
“Natyrisht, krahas kësaj mase”, pohon ai, “qeveria duhet të mendojë edhe për masa tjera, në këtë kohë të vështirë e të papërballueshme për qytetarët”.
Partia Demokratike e Kosovës qe e mendimit që qytetarëve t’u lejohet tërheqja e deri në 30 përqind të mjeteve të trustit pensional.
Sipas deputetit të PDK-së, Bekim Haxhiu, i cili e ka diskutuar më së shumti një gjë të tillë, rritja e çmimeve të artikujve bazikë në vend e bën të nevojshme që qytetarëve t’u lejohet tërheqja e parave të trustit.
Gjatë qeverisë së udhëhequr nga Avdullah Hoti, 197 milionë eruo ishin tërhequr nga qytetarët e Kosovës në një kohë krizeje të rëndë pandemike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Beleri nga burgu thotë se Rama po kërkon të sfidojë Greqinë
-
Vuletiç: Politikanët në Serbi e dinë se s’ka më njerëz që luftojnë për Kosovën
-
Homazhi i zgjuar i Angelina Mango për Palestinën, një ‘minifitore’ më vete në Eurovision
-
“Do të jem presidente e të gjithëve”, betohet Gordana Silanovska-Davkova si presidente e Maqedonisë së Veriut
Lajmet kryesore
-
Rama: Shqipëria s’ka asnjë pretendim ndaj Greqisë, veç respektit
-
Beleri nga burgu thotë se Rama po kërkon të sfidojë Greqinë
-
Mitsotakis dhe Erdogan do të diskutojnë të ardhmen e marrëdhënieve greko-turke
-
Një muaj paraburgim për Miletiç-in – lëndoi dhjetëra ushtarë të KFOR-it, policë dhe gazetarë në Veri