Ed Sheeran bëhet artisti më i dëgjuar në Mbretërinë e Bashkuar

Ed Sheeran ka thyer një rekord të ri, pasi kënga e tij “Bad Habits” përveç se ishte kënga më e dëgjuar e vitit 2021, e bëri atë artistin më të dëgjuar në Britani të Madhe.

Listat vjetore përpilohen nga kompania e licencimit të muzikës Phonographic Performance Limited (PPL) nga përdorimi i muzikës dhe të dhënat e transmetimit nga stacionet radiofonike dhe kanalet televizive, si dhe shfaqjet publike, dhe është hera e katërt në pesë vjet që Sheeran është shpallur artisti më i dëgjuari në MB.

Këngëtari për herë të fundit kryesoi listën e këngëve më të luajtura në vitin 2017 me “Shape Of You”, për të cilën ishte në gjyq për të drejtat e autorit në Gjykatën e Lartë.

Suksesi i vazhdueshëm i Sheeran është “një dëshmi për cilësinë e prodhimit të tij [dhe] forcën e muzikës në Mbretërinë e Bashkuar në një kohë kur peizazhi muzikor global është më konkurrues se kurrë”, tha shefi ekzekutiv i “PPL”, Peter Leatham.

E vetmja artiste tjetër që ka kryesuar të dy listat në të njëjtin vit është Adele, me “Rolling In The Deep” që është kënga më e dëgjuar dhe albumi i saj “21” e bën atë artisten më të dëgjuar të vitit 2011.

Këngëtari i “Thinking Out Loud” ka marrë kurorën e artistit më të dëgjuar në pesë vitet e fundit, me përjashtim të vetëm në vitin 2020 kur Dua Lipa mori këtë epitet me albumin e saj “Future Nostalgia”.

Pas Sheeran, ishte 27 vjeçari, Tom Grennan, i cili fitoi këngën e dytë dhe të tretë më të luajtur të vitit 2021 me “By Your Side” me Calvin Harris dhe “Little Bit Of Love”.

Lajmi i thyerjes së rekordeve vjen pasi krijuesi i hitit “Perfect” dhe artisti afrikano-jugor Jeremy Loops i kanë dhënë një paraqitje të shkurtër prapaskenave të bashkëpunimit të tyre të fundit.

Dyshja kanë shkruar një numër këngësh së bashku, duke punuar në “Better Together” përpara albumit të tretë të ardhshëm të Jeremyt, “Heard You Got Love”.

Lajmi për bashkëpunimin muzikor u përhap dy vjet më parë kur Sheeran tha se u rikthye në muzikë për të shkruar këngë të reja me Jeremyn.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.