Kryetari i komanduar i Partisë Demokratike, Enkelejd Alibeaj, në një deklaratë për shtyp pas takimit me ndihmëssekretaren për Byronë e Çështjeve Evropiane dhe Euroaziatike, Karen Donfried, theksoi se SHBA-të kërkojnë një opozitë të fortë që sheh nga e ardhmja.
“Marrëdhëniet që PD ka pasur me SHBA-të, kanë qenë të shkëlqyera. Mora mbështetjen e saj për një opozitë të fortë dhe të qëndrueshme, pro amerikane”.
Gjithashtu ai tha se kanë folur për çështje të rëndësishme që po përballet Shqipëria.
Sipas Alibeajt, në fokus të diskutimit kanë qenë zgjedhjet, krimi i organizuar dhe shkelja e së drejtës.
Kreu i Grupit Parlamentar të PD-së theksoi se ka shprehur vendosmërinë për t’i çuar përpara dhe për të dhënë kontributin e tyre.
Pjesë e takimit ka qenë edhe zëvendësndihmës Sekretari i Shtetit për Çështjet Evropiane dhe Euroaziatike, Gabriel Escobar, si dhe diplomatja amerikane në Shqipëri, Yuri Kim.
Kujtojmë se Kim njeh Alibeajn si kryetar të komanduar të PD-së, çka ka sjellë dhe një sërë “përplasjesh” në distancë mes saj dhe ish-liderit të demokratëve, Sali Berisha.
Ky i fundit ka marrë në dorë selinë blu pas njohjes nga Gjykata e Tiranës së ndryshimeve statutore të Kuvendit Kombëtar të 11 dhjetorit – i thirrur nga Berisha, ku dhe doli Komisioni i Rithemelimit të Përkohshëm të PD-së.
Alibeaj mori detyrën pas dorëheqjes së kreut të bluve, Lulzim Basha. Por, Komisioni i Rithemelimit nuk e njeh atë si kryetar të komanduar.
Berisha, sakaq, ka akuzuar Kim se ka ndërhyrë në vendimet e Gjykatës, duke u sjellë si “guvernatore” dhe jo si ambasadore.
Më herët, po sot, Donfried fillimisht zhvilloi një takim në Kryeministri me kreun e Qeverisë, Edi Rama, i cili zgjati 1 orë e 20 minuta, ku ka diskutuar mbi një sërë çështjesh, që prej reformave të ndryshme në vend, investimet amerikane në Shqipëri si edhe integrimin evropian.
Turi i zyrtares së Lartë të DASH-it në Ballkanin Perëndimor
Turi i zyrtares së Lartë të Departamentit Amerikan të Shtetit (DASH), Karen Donfried, sipas agjendës, nisi më 25 prill me Kosovën, për t’u përmbyllur më 29 prill me Malin e Zi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
Debati për Shkollën e Magjistraturës, deputetët e opozitës kërkesë: Të mblidhet Komisioni i Ligjeve
-
Artan Gaçi pyetet rreth 4 orë në SPAK
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
Lajmet kryesore
-
Drejtorët e Bashkisë Tiranë mbeten në burg, Apeli ia rrëzon kërkesën për lirim
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Regresi i Kosovës me 19-të vende në lirinë e medias, Qeveria: S’ishte vit i lehtë, ndikoi Veriu