Katër kongresistë amerikanë i kanë dërguar një letër falënderimi presidentes së Kosovës, Vjosa Osmani dhe kryeministrit, Albin Kurti për strehimin e afganëve në Kosovë.
Presidentja Osmani e ka publikuar letrën në llogarinë e saj në Twitter.
Ajo ka shkruar se Kosova dhe SHBA-të ndajnë vlera dhe qëllime të përbashkëta.
“SHBA mund të llogaritë në mbështetjen tonë në të ardhmen”, ka shkruar ndër të tjera Osmani.
Thank you @SenatorShaheen, @SenatorHassan, @AnnMcLaneKuster and @ChrisPappasNH for your letter and appreciation. The Republic of #Kosovo and the United States are bound by shared values and common purpose.The US can count on our support in the future. #StrongerTogether 🇽🇰🤝🇺🇸 pic.twitter.com/8aG1RaJwi9
— Vjosa Osmani (@VjosaOsmaniPRKS) November 26, 2021
Në letrën e kongresistëve amerikan thuhet “Duam që t’ju shprehim mirënjohjen dhe përkrahjen për asistencën e Republikës së Kosovës në strehimin e përkohshëm të partnerëve afganë, gazetarëve, aktivistëve për të drejtat e njeriut, minoriteteve të persekutuara dhe grupeve të tjera të rrezikuara teksa ata presin procesimin e vizave për në shtetet tjera”.
Kjo letër është nënshkruar nga Jeanne Shaheen, Maggie Hassan, Chris Pasppas dhe AnnMcLaneKuster.
Aktualisht në Kosovë janë duke u strehuar 650 afganë. Këtë e ka bërë të ditur kryeministri i Kosovës, Albin Kurti, gjatë një takimi të enjten e 25 nëntorit që zhvilloi me presidentin e Shqipërisë, Ilir Meta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen