Diddy përballet me kontrolle të rrepta nga autoritetet e sigurisë mes akuzave për trafikim seksual

Shtëpitë që i përkasin Sean “Diddy” Combs u kontrolluan nga autoritetet të hënën e 25 marsit sepse ai është një objektiv i një hetimi federal të kryer nga një ekip i Departamentit të Sigurisë Kombëtare që merret me krimet e trafikimit të qenieve njerëzore.

“Hetimi u udhëhoq nga prokurori i SHBA-së për Distriktin Jugor të Nju Jorkut dhe u krye nga Divizioni i Krimit të Organizuar Transnacional i Departamentit të Hetimeve të Sigurisë Kombëtare, tha një zyrtar për CNN”, transmeton AlbanianPost.

Ky hetim rrjedh nga shumë prej pretendimeve të paraqitura nga disa padi civile të ngritura në Nju Jork kundër Combs që përfshijnë akuza për sulme seksuale. Combs i ka mohuar më parë këto akuza.

Ekipet e armatosura rëndë të agjentëve të HSI-së kontrolluan shtëpitë e Combs në Los Anxhelos dhe në zonën e Majamit – disa të hipur në automjete të blinduara sepse autoritetet besonin se Combs përdorte siguri private të armatosur në secilën prej rezidencave të tij.

Agjentët u autorizuan të kërkonin dokumente, telefona, kompjuterë dhe pajisje të tjera elektronike që mbajnë të dhëna ose video.

Një burim i zbatimit të ligjit zbuloi se kërkimet kishin të bënin me një hetim të vazhdueshëm të trafikimit seksual.

HSI në Nju Jork tha të hënën se “ekzekutoi veprimet e zbatimit të ligjit si pjesë e një hetimi në vazhdim” në bashkëpunim me njësitë vendore të zbatimit të ligjit dhe HSI në Los Anxhelos dhe Majami.

Diddy është akuzuar për trafikim seksual në tre padi të veçanta të ngritura muajt e fundit – akuza që ylli i ka mohuar vazhdimisht.

Është ende e paqartë se cilat akuza janë përfshirë në hetimin federal.

Në nëntor, Combs u akuzua nga ish e dashura e tij, këngëtarja Casandra “Cassie” Ventura.

Padia, e paraqitur në gjykatën federale në distriktin jugor të Nju Jorkut, pretendonte se Combs e përdhunoi atë, e detyroi atë të përfshihej në trafikim seksual dhe e kishte nënshtruar atë për vite të tëra abuzimesh të tjera.

Javë më vonë, të paktën dy padi të tjera civile u ngritën në Nju Jork kundër Combs me akuza për sulm seksual.

“Jam ulur në heshtje dhe kam parë njerëzit që përpiqen të vrasin karakterin tim, të shkatërrojnë reputacionin dhe trashëgiminë time”, tha Combs në përgjigje të padisë së dhjetorit.

“Akuza të neveritshme janë bërë kundër meje nga individë që kërkojnë një pagesë të shpejtë. Më lejoni të jem absolutisht i qartë: nuk kam bërë asnjë nga gjërat e tmerrshme që pretendohen”,  pati shtuar ai.

Së fundmi, një nga ish-punonjësit e Combs, producenti dhe videografi Rodney “Lil Rod” Jones, ngriti një padi muajin e kaluar duke akuzuar Combs për sulm seksual dhe udhëheqje të një “organizate të përhapur dhe të rrezikshme kriminale të trafikimit të seksit”, mes akuzave të tjera. Padia u ngrit në gjykatën federale në rrethin jugor të Nju Jorkut.

Diddy sërish në beteja ligjore, ish producenti i tij e padit për ngacmim seksual dhe një mori akuzash tjera

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.