Një nga prioritetet e Barcelonës në javët e ardhshme është që të merret me rinovimin e kontratave së tre lojtarëve të ekipit të parë: Oscar Mingueza, Ilaix Moriba dhe Ousmane Dembele.
Dembele, i cili është në formën e tij më të mirë që nga bashkimi me Barça për 105 milionë euro në 2017, ndiqet më nga afër, nga gjiganti anglez Manchester United.
Skuadra e Premier League donte të nënshkruante me Dembele-n verën e kaluar me formulë huazimi që i jep të drejtë blerje.
Bisedimet u ndërprenë në ditët e fundit të afatit kalimtar sepse Barça dëshironte që sulmuesi francez të nënshkruante një zgjatje të kontratës për një vit para se të largohej. Kontrata aktuale e Dembele skadon në verën e vitit 2022.
Me paraqitjet e tij që kanë qenë të mira këtë sezon, United ka rishfaqur interesin e tyre për lojtarin francez.
Ata kanë qëndruar në kontakt me shoqëruesit e lojtarit dhe u kanë komunikuar planin e tyre. United janë të gatshëm t’i ofrojnë Barçës një ofertë të majme këtë verë, duke qenë të gatshëm të presin derisa ai të jetë në dispozicion me parametra zero vitin e ardhshëm.
Trajneri i Barçës, Ronald Koeman është vërtet i kënaqur me formën e Dembele-s dhe e konsideron atë një pjesë të rëndësishme të projektit të tij.
Presidenti i ri Joan Laporta shpreson të çojë përpara bisedimet mbi një marrëveshje të re në javët e ardhshme.
Pengesa kryesore për të kapërcyer për të arritur një marrëveshje është financiare, duke pasur parasysh Dembele ka asin në mëngë të tij për të qenë i lirë verën e ardhshme.
Kërkesat e tij për pagën janë të larta në një kohë kur klubi po përpiqet të ulë pagat e të gjithë futbollistëve.
Nëse nuk arrihet deri te akordimi për një kontratë të re, Barcelona do të jetë e detyruar ta shesë futbollistin këtë verë, duke mos rrezikuar që ta humbasë me parametra zero në vitin 2022.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Publikohen rezultatet e para: “Fronti Evropian” në avantazh ndaj “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
A do jap Taravari dorëheqje ashtu siç premtoi para zgjedhjeve?