Në tregjet botërore, çmimet e naftës u rritën më shumë se tetë për qind javën e kaluar, nga nivelet më të ulëta të tre javëve, pasi tregtarët shpresojnë për kërkesë më të fortë dhe për shkak se Rusia njoftoi shkurtime të prodhimit.
Çmimi i një fuçie në tregun e Londrës u rrit javën e kaluar me 8.2 për qind – në 86.39 dollarë, ndërsa në tregun amerikan çmimi i një fuçie u rrit me 8.6 për qind – në 79.72 dollarë.
Pas dy javësh rënie, çmimet u rritën ndërsa tregtarët shpresojnë për një rritje të kërkesës kineze, pasi heqja e masave të ashpra kufizuese COVID duhet të nxisë rritje më të shpejtë ekonomike atje.
“Çmimi i një fuçie gjen mbështetje në pritjet se hapja e ekonomisë kineze, pas përfundimit të politikës së tolerancës zero ndaj COVID-it, do të stimulojë një rritje të ndjeshme të kërkesës për naftë këtë vit”, tha Ricardo Evangelista i ActivTrades.
Agjencia Ndërkombëtare e Energjisë (IEA) vlerëson se Kina do të jetë “përgjegjëse” për gjysmën e rritjes së kërkesës globale këtë vit, tha kreu i saj, Fatih Birol.
Për shkak të një rikuperimi të pritshëm të kërkesës, veçanërisht në Kinë, Arabia Saudite, eksportuesi më i madh në botë, rriti çmimet e naftës për blerësit aziatikë për herë të parë në gjashtë muaj.
Çmimet u mbështetën edhe nga njoftimi i Rusisë se në mars do të prodhojë “vullnetarisht” më pak naftë, me 500 mijë fuçi në ditë, që është afërsisht pesë për qind e prodhimit të përgjithshëm.
Për të kufizuar të ardhurat ruse që financojnë luftën në Ukrainë, grupi G7 dhe aleatët e tij, duke përfshirë BE-në, i kufizuan çmimet e naftës ruse në 60 fuçi në dhjetor.
Në fillim të shkurtit, ata gjithashtu kufizuan çmimet e derivateve ruse në 45 dollarë për ato më të lira, si karburanti, dhe në 100 dollarë për ato më të shtrenjta, si vajguri dhe nafta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ka vdekur Steve Albini, producenti legjendar i Nirvana
-
Numërohen afër 95% e votave: “Fronti Evropian” ka 18 deputetë, “VLEN” 13
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
-
Shtetet e Bashkuara pezullojnë dërgimin e bombave në Izrael
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog