Ajri në Prishtinë të martën e 15 marsit është kategorizuar si i cilësisë së pashëndetshme – kështu kanë treguar të dhënat e ndotjes së ajrit nga Ambasada e Shteteve të Bashkuara të Amerikës në Kosovë.
Sipas matjeve dhe rezultateve të publikuara në faqen e internetit të Ambasadës së SHBA-ve në Kosovë, në orën 11:00 të ditës së 15 marsit, indeksi i ndotjes ishte 163 AQI – kjo e fundit është kategoria që tregon se ajri është i cilësisë së pashëndetshme.
Kësisoj, kategoria e ajrit AQI që fillon prej 151 deri në 200 sosh, tregon se çdokush mund të fillojë të përjetojë efekte negative shëndetësore dhe anëtarët e grupeve të ndjeshme mund të përjetojnë efekte më të rënda shëndetësore.
Monitoruesi i cilësisë së ajrit që ndodhet në Ambasadë mat grimcat në ajër në Prishtinë çdo orë, duke përfshirë pluhurin, baltën, blozën, tymin dhe pikat e lëngshme.
Grimca të tilla mund të jetë rezultat i lëshimit të gazrave nga automjetet dhe termocentralet, nga djegia e qymyrit apo e drurit, apo ndodhi të drejtpërdrejta si zjarret në maje dhe mund të mbetet pezull në ajër për periudha të gjata kohore.
Grimcat e kësaj madhësie, rreth 1/30 të diametrit të mesatares së fijes së flokut të njeriut, përbëjnë rrezikun më të madh për shëndetin.
Studimet shkencore kanë lidhur ndotjen afatgjatë prej grimcave, veçanërisht nga grimcat e imta, me probleme të mëdha të shëndetit, si sëmundje të zemrës dhe të mushkërive.
Për më tepër detaje, klikoni në këtë link.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më