Max Verstappen nuk ia doli të mbronte kryesimin në Çmimin e Madh të Austrisë pasi Ferrari dëshmoi se kishte makinën shumë më të shpejtë.
Charles Leclerc ishte njeriu që e kapërceu yllin e Red Bull tre herë në mes të ndalesave, duke nënvizuar ritmin e tij superior.
Verstappen mund të kishte përfunduar i treti pasi piloti tjetër i Ferrari-t, Carlos Sainz dukej se kishte gjasa të parakalonte në fazat e mëvonshme.
Por spanjolli u tradhtua nga fati me një shpërthim motori pasi Ferrari i tij u përfshi shpejt nga flakët.
Në xhiron e 57-të, Sainz, pati disa probleme në makinën e tij, gjë që bëri të dilte nga pista.
Piloti arriti të dilte në kohë dhe me ndihmën e komisarëve të pistës.
Në pjesën e përparme, Leclerc ishte në gjendje të kalonte pranë Verstappen-it, i cili nuk ishte aq rehat sa kishte qenë në Sprint një ditë më parë.
Në kushte më të freskëta, Ferrari dukej shumë më i fortë dhe ia doli të prishte festën e parakoshme në Red Bull Ring.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com