Britania njofton sanksione të reja që shënjestrojnë familjen dhe rrethin e brendshëm të Putinit
Britania njoftoi raundin e saj të fundit të sanksioneve që shënjestrojnë rrjetin financiar të presidentit rus, Vladimir Putin, duke përfshirë ish-gruan e tij, familjen dhe rrethin e ngushtë.
Sanksionet kanë për qëllim “rrjetin e dyshimtë që mbështet stilin luksoz të jetës së Putinit”, tha në një deklaratë sekretarja e jashtme britanike, Liz Truss.
12 emrat e rinj të shtuar në listën e sanksioneve britanike përfshijnë ish-zonjën e parë të Federatës Ruse, Lyudmila Ocheretnaya.
Mikhail Shelomov, një pronar biznesi rus dhe kushëriri i parë i liderit, është gjithashtu në shënjestër.
Disa të afërm të tjerë të Putinit që mbajnë poste ekzekutive në firmat e mëdha ruse si Gazprom janë sanksionuar gjithashtu. Ata përballen me ngrirjen e aseteve dhe ndalimin e udhëtimit.
Në deklaratën e Trussit thuhet se “ne po ekspozojmë dhe synojmë rrjetin e dyshimtë që mbështet stilin e jetës luksoze të Putinit”.
“Ne do të vazhdojmë me sanksione ndaj të gjithë atyre që ndihmojnë dhe inkurajojnë agresionin e Putinit derisa Ukraina të mbizotërojë”, deklaroi Turss.
Sipas Ministrisë së Jashtme të Mbretërisë së Bashkuar, pasuritë zyrtare të Putinit janë modeste, por stili luksoz i jetës së tij “financohet nga një grup familjesh, miqsh dhe elitash”.
Lista e sanksionuar e Britanisë tani përfshin më shumë se 1mijë individë dhe 100 subjekte.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Me mbi 75% e votave të numëruara “Fronti Evropian” ka 20 mijë vota më shumë se “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
Kasami: Nga nesër mund të shpallim koalicionin e ndryshimit me VMRO-DPMNE