Brazili në prag të një kolapsi politik, Bolsonaro nxit protesta

Mbështetësit e presidentit brazilian Jain Bolsonaro, të martën e 7 shtatorit – ditën e pavarësisë – kanë marshuar drejt Gjykatës së Lartë.

E gjitha kjo ka ardhur pas thirrjes së presidentit të ektremit të djathtë, për të protestuar, pasi akuzon Gjykatën e Lartë dhe Kongresin për bllokimin e reformave të tij.

Oficerë shtesë u vendosën për të ruajtur Gjykatën, pas paralajmërimeve se mbështetësit e Bolsonaro-s mund të përpiqeshin të sulmonin ndërtesën.

Bolsonaro ka nisur të sulmojë gjyqtarët e Gjykatës Supreme, pasi një prej tyre e ka fajësuar duke nisur dy hetime kundër tij.

“Vendi ynë nuk mund të vazhdojë të mbahet peng nga një ose dy persona”, tha ai duke iu referuar dy prej gjyqtarëve.

Ai gjithashtu është përpjekur të fajësojë Gjykatën për përgjigjen e ngadaltë të qeverisë së tij ndaj pandemisë COVID, duke pretenduar në mënyrë të rreme se gjykata e pengoi atë të ndërmarrë veprime të shpejta për të frenuar përhapjen e virusit.

Në orët e para, disa depërtuan në një kordon policie që mbronte Gjykatën, por ata nuk arritën të rrethonin ndërtesën siç kishin planifikuar.

Kërcënimet e bëra nga disa nga mbështetësit e presidentit për të sulmuar Gjykatën e Lartë kanë çuar në frikën se Brazili mund të shihte skena të ngjashme me ato që u shfaqën më 6 janar në Uashington – kur mbështetësit e ish-presidentit amerikan Donald Trump ngritën barrikadat e kaluara në Capitol, SHBA.

Kritikët thonë se ai dëshiron të bëjë një shfaqje të forcës mes rënies së vlerësimeve.

Një sondazh i fundit nxjerr ish-presidentin Luiz Inacio Lula da Silva më lart se Bolsonaro me një epërsi prej 9% në raundin e parë të votimit.

Ndërsa zgjedhjet nuk do të mbahen deri në tetor 2022, vlerësimet për rizgjedhjen e Bolsonaro-s kanë rënë në nivelin më të ulët të të gjitha kohërave.

Një sondazh nga Instituti Atlas sugjeroi që 61% e brazilianëve e përshkruan performancën e qeverisë së tij si të keqe ose shumë të keqe, nga 23% kur ai mori detyrën për herë të parë në janar 2019.

Ngjarje më të vogla janë planifikuar gjithashtu në shumë qytete të tjera.

Kritikët e presidentit janë mbledhur për kundër-tubime dhe ka frikë se të dy palët mund të përplasen.

Disa grupe kundër Bolsonaro-s u kanë bërë thirrje njerëzve të marrin pjesë në protestat të dielën në vend që të shmangin konfrontimet me mbështetësit e presidentit.

Bolsonaro dhe kriza e pushtetit të tij

Jair Bolsonaro, është duke u përballur me krizën më të madhe politike që nga marrja e detyrës në janar të vitit 2019. Kjo ka ardhur pasi krerët e ushtrisë, marinës dhe forcës ajrore u larguan.

Popullariteti i tij ka rënë për shkak të neglizhencës dhe keqmenaxhimit të situatës së COVID-19.

Presidenti i ekstremit të djathtë të Brazilit, i cili erdhi në pushtet dy vjet më parë, ka kundërshtuar vazhdimisht masat e karantinës, duke argumentuar se dëmtimi i ekonomisë do të ishte më i keq se efektet e vetë coronavirus-it.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.