![](https://albanianpost.com/wp-content/uploads/2021/03/AP21080295403283-scaled.jpg)
Protestuesit kundër grushtit të shtetit, në Myanmar, në orët e para të mëngjesit të 21 marsit, kanë zhvilluar një tubim në Mandalay. Kjo, për të shmangur konfrontimet me forcat e sigurisë dhe policinë.
Personeli mjekësor, ku u përfshinë mjekë, infermierë, studentë të mjekësisë dhe farmacistë të veshur me bluza të bardha, u bashkuan me protestuesit pro-demokracisë.
Ata mbanin parulla ku shkruhej: “Mbroni udhëheqësen tonë”, “Mbroni të ardhmen tonë”.
Protesta të tjera u zhvilluan në shtetin Kachin, nga veriu i Myanmar-it deri në jug të vendit, ndërsa demonstruesit mbanin në dorë qindra qirinj të ndezur.
Grushti i shtetit në Myanmar
Kujtojmë që ushtria e Myanmarit ka marrë në dorë vendin me anë të një grushti shteti, duke arrestuar kancelaren Aung San Suu Kyi dhe pjesëtarë të tjerë të kabinetit. Ky grusht vjen pas disa ditësh tension mbi rezultatin e zgjedhjeve të fundit të nëntorit 2020.
Kancelarja 75-vjeçare Aung, presidenti Win Myint dhe pjesëtarë të tjerë të Ligës Kombëtare për Demokraci u arrestuan në rezidencën qeveritare të kryeqytetit, Naypyidaw.
Drejtuesit e ushtrisë deklaruan se kanë marrë kontrollin e shtetit. Gjendja e jashtëzakonshme është shpallur në Myanmar. Pushteti i përkohshëm i ka kaluar gjeneralit Min Aung Hlaing.
14 marsi i përgjakshëm
Të dielën e 14 marsit u shënua dita më e përgjakshme e protestave në Myanmar-it, pasi u vranë 39 civilë dhe u dogjën fabrikat e financuara nga kinezët.
Forcat e Sigurisë së gjeneralit Min Aung Hlaing vranë 22 protestues në Hlaingthaya, në perëndim të qendrës së qytetit, ku u sulmuan fabrikat, si dhe 16 të burgosur dhe një polic u vranë.
Ambasada kineze në Yangon ka konfirmuar se fabrikat ishin shenjëstruar dhe se ishte plagosur personeli kinez.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuza se një këshilltar i Ramës është agjent rumun, PD kërkon interpelancë me kryeministrin
-
Bardhi kërkon interpelancë urgjente me Koçiun, e akuzon se pavarësisht denoncimeve nuk ka vepruar
-
Manja për skemën abuzive te Onkologjiku: Ka pasur hetim administrativ që në vitin 2023
-
GJKKO lë në burg Jorgo Goron, ish-kreun e Bashkisë Himarë
Lajmet kryesore
-
Nis hetimi administrativ për skandalin e mjekëve të Onkologjikut, bën me dije Koçiu
-
Qeveria miraton rritjen e pagave të administratës, synohet mesatarja 105 mijë lekë
-
Rutte thotë fjalët e para si shefi i ri i NATO-s: Aleanca është dhe do të mbetet gur themeli i sigurisë sonë kolektive
-
Raportet e shefit të ri të NATO-s me Kosovën