Byroja Kombëtare e Hetimit ka mbyllur përzgjedhjen e kandidatëve me testin logjik, ku nga 363 pjesëmarrës, 338 prej tyre e kanë kaluar testin.
Kandidatët fitues ndërkaq, kalojnë në fazën tjetër, ku do të zhvillojnë testin e aftësive fizike. Ky i fundit, do të zhvillohet në ambientet e repartit special “RENEA”.
Për shkak të numrit të lartë të fituesve, testimi do të zhvillohet i shtrirë në katër ditë, prej datës 1 qershor deri më 4 qershor.
Për këtë fazë, kërkohet të vihet në dispozicion edhe një raport mjekësor.
Kjo është faza e dytë e aplikimeve për rolin e hetuesit pranë BKH-së. Gjatë fazës së parë, 28 aplikantë u shpallën fitues. Këta ishin edhe hetuesit e parë të byrosë së re të sapoformuar.
Vendet e mbetura vakante pritet të plotësohen nga faza e dytë e përzgjedhjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com