BIK-u kërkon nga Kurti shfuqizimin e vendimit që ndalon bartjen e uniformës fetare në shkolla
Bashkësia Islame e Kosovës (BIK), respektivisht myftiu Naim Tërnava, ka ripërsëritur kërkesën për shfuqizimin e nenit 3, pika 1.12 të Udhëzimit Administrativ të datës 06/2014, vendim ky që thekson se bartja e uniformës fetare në shkollë është “veprim i ndaluar” për nxënësit.
BIK vlerëson se ky vendim është “diskriminues” për arsye se po u mohohet e drejta e shkollimit nxënësve që bartin mbulesën, përkatësisht shaminë.
“Është kërkesë e kamotshme e Kryesisë së BIK-ut, institucioneve të saj dhe besimtarëve myslimanë që të shfuqizohet, respektivisht të hiqet e tëra pika 1.13 e nenin 3, në Udhëzimin Administrativ 06/2014, ngase është diskriminuese, dhe si e tillë në disa raste ka pas tentime që duke u thirr në këtë udhëzim, respektivisht në këtë nen t’u mohohet e drejta e shkollimit nxënëseve që bartin mbulesën myslimane – shaminë”, thuhet në postimin e këtij institucionit fetar në rrjetin social Facebook.
BIK ka kërkuar nga Ministria e Arsimit, Shkencës dhe Teknologjisë si dhe nga Kryeministri Albin Kurti që ta anulojnë këtë vendim, por kjo kërkesë sipas BIK-ut nuk duhet “politizuar e as polarizuar” por duhet të trajtohet me përgjegjësi.
Kohët e fundit një numër i madh i qytetarëve i janë bashkuar iniciativës “#ndryshojeni_ua_për_shaminë” në rrjetet sociale.
Nisma filloi me juristin, ish-këshilltarin e Kurtit, Durim Berisha, i cili tregoi edhe se ky udhëzim bie ndesh me Kushtetutën e Republikës së Kosovës, pasi komprometon nenet për liritë dhe të drejtat e njeriut, sa i përket lirisë fetare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Anketa e IRI për Kosovën: SHBA-të aleati më i rëndësishëm, Serbia kërcënimi më i rrezikshëm
-
Osmani kërkon mbështetjen e Zvicrës për anëtarësimin e Kosovës në KiE
-
Vuçiç: Shanset e Kosovës për anëtarësim në KiE janë të mëdha
-
Guerot: Kosova nëse do t’i rrisë gjasat për anëtarësim në KiE ta dërgojë Asociacionin në Kushtetuese
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE