Presidenti i Shteteve të Bashkuara të Amerikës, Joe Biden, ka revokuar një urdhër ekzekutiv të ish presidentit amerikan, Donald Trump, që ka urdhëruar rregullatorët të kufizojnë mbrojtjen e përgjegjësive për kompanitë e mediave sociale.
Agjencia e lajmeve, Reuters, tregon se Qendra për Demokraci dhe Teknologji, e cila kishte kërkuar në muajin maj të vitit 2020 bllokimin e këtij urdhri të Trump-it, e ka vlerësuar përmbysjen e tij nga Biden-i.
Qendra e ka argumentuar urdhrin e Trump-it duke thënë se “ishte një përpjekje për të përdorur kërcënime hakmarrjeje për të shtrënguar kompanitë e mediave sociale të lejonin dezinformimin dhe gjuhën e urrejtjes pa e kontrolluar”.
Në mënyrë të pasuksesshme, ish presidenti i kërkoi Komisionit Federal të Komunikimit të vendoste rregulla të reja për të kufizuar mbrojtjen e firmave të mediave sociale në bazë të Aktit për Kompetencat e Komunikimit të vitit 1996.
Ai mbron kompanitë nga përgjegjësia që mund të kenë për përmbajtjet e postuara nga përdoruesit e tyre dhe i lejon këto kompani të heqin postime të ligjshme, por të kundërshtueshme.
Trump-i e lëshoi urdhrin e tij pas “zemërimit” me platformën Twitter, e cila i etiketoi postimet e ish presidentit lidhur me pretendimet e pabazuara të mashtrimit të votimit përmes postës me një paralajmërim për lexuesit.
Më pas, postimet e Trump-it pas sulmeve të gjashtë janarit në Capitol Hill detyruan kompanitë e mediave sociale përfshirë Twitter-in, të ndalojnë llogaritë e tij.
Të nesërmen, kryetari i komisionit, Ajit Pai, deklaroi se nuk do të vepronte në bazë të kërkesës së Trump-it për të kufizuar mbrojtjen e përgjegjësive të mediave sociale.
E nga ana tjetër, shumë ekspertë kanë bërë me dije se Komisioni Federal i Komunikimit nuk ka pasur asnjë autorizim për të nxjerrë rregullore sipas ligjit të vitit 1996.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit