Busti i ish-kryeministrit britanik, Winston Churchill, është hequr nga dhoma ovale me ardhjen në detyrë të presidentit të ri të SHBA-së, Joe Biden. Ish-presidenti amerikan, Donald Trump, e mbajti për katër vite në zyrë, bustin e Churchill-it.
Një ridizajnim tërësor i zyrës së presidentit është kryer nga stafi i tij. Në vend të bustit të Churchill-it, janë vendosur disa të tjerë. Ai i aktivistit për të drejtat e komunitetit latin në SHBA, Cesar Chavez, është vendosur i pari në dhomën ovale.
Një bust i Martin Luther King Jr., gjithashtu. Pjesë e zyrës, janë tashmë edhe figurat e Robert Kennedy-t, Rosa Parks dhe Eleanor Roosevelt.
Këtë lëvizje të Biden-it e kanë kritikuar disa tabloide britanike. Një pjesë e tyre kanë hedhur hije dyshimi mbi shkaqet e këtij veprimi, duke e quajtur “të padrejtë”.
Reagim ka pasur edhe Ambasada e SHBA-së në Londër. Në profilin e saj, është publikuar një video 30 sekondëshe që përshkruar marrëdhëniet SHBA-Britani.
“Kemi parë diskutime mbi çështjen e bustit të Churchill-it”, shkruhet në postim. “Donim thjeshtë t’ju kujtonim se sa e veçantë është lidhja midis shteteve tona”. Në postimin në Twitter nënvizoheshin gjithashtu çështje thelbësore të bashkëpunimit SHBA-Britani, si siguria apo tregtia.
Një problem i tillë u shkaktua edhe nga administrata Obama, kur ish-presidenti amerikan, hoqi bustin e Churchill-it nga zyra ovale gjatë mandatit të tij. Akuza u hodhën në atë kohë, se kjo ishte “një hakmarrje nga Obama, pasi ai kishte dëgjuar historitë e persekutimit të gjyshërve të tij nga britanikët”.
Pavarësisht këtij veprimi, nuk ka ende një deklaratë për gjestin e Biden-it. Reagim nuk ka pasur as nga Britania mbi heqjen e bustit të një figure emblematike të historisë së saj, nga dhoma ovale./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Faqja në internet e ‘RT’-së e aksesueshme brenda ndërtesës së Komisionit Evropian
-
Rusia në këmbët e Carit Vladimir Putin – Patriarku e quan atë “Lartësia e Tij”
-
Gjendet varreza e tretë masive në spitalin al-Shifa të Gazës
-
Katër gazetare padisin BBC-në: Ishim subjekt i diskriminimit në bazë të gjinisë dhe moshës
Lajmet kryesore
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
“Të mendojnë për sigurinë e tyre, jo për Ukrainën”, bisedat e hakëreve që kryen sulm kibernetik ndaj Kosovës – Maqedonci për AP: Përtej motivit të hakmarrjes pati qëllim destabizlimin
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin