Futbollisti italian, Mario Balotelli, ka mbetur i izoluar në vendlindjen e tij, shkaku i infektimit me COVID-19.
Balotelli ishte në Itali për të kaluar festat e fundvitit dhe si pasojë e infektimit me coronavirus, ai nuk do të mund të bashkohet në kohë të rregullt me ekipin e Adana Demirspor.
Lajmin për infektimin e sulmuesit italian e ka bërë të ditur vet klubi turk përmes një postimi në faqen e tyre zyrtare.
“Futbollisti ynë, Mario Balotelli, ka rezultuar pozitiv me COVID-19, pas testit PCR të cilin e bëri në vendlindjen e tij në Itali”, shkruan klubi i Adana Demirspor.
“Si pasojë e infektimit, Mario do të qëndrojë në izolim në shtetin e tij. I urojmë shërim të shpejtë”, thuhet mes tjerash në njoftimin e klubit turk.
Kujtojmë që Balotelli u bashkua me klubin e Demirspor në verën e vitit të kaluar, i cili u transferua nga skuadra italiane, Monza.
Klubi i Demirspor aktualisht drejtohet nga trajneri i njohur italian, Vincenco Montella, pjesë e të cilit është edhe portieri i kombëtares së Kosovës, Arijanet Muric.
Balotelli deri më tani ka zhvilluar 20 ndeshje në të gjitha garat me klubin nga Superliga e Turqisë, prej të cilave ka shënuar tetë gola dhe ka dhuruar katër asistime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
