Përfaqësuesit nga Shoqata e Transportit kanë zhvilluar një takim me ministren e Infrastrukturës dhe Energjisë, Belinda Balluku.
“Takimi me përfaqësuesit e Shoqatave të Transportit Ndërqytetas po bëhet për të gjetur zgjidhje sa u takon problematikave dhe kërkesave të tyre, duke pasur gjithmonë në fokus rritjen e cilësisë së shërbimit ndaj qytetarëve”, u shpreh Balluku në fjalën e saj.
Ata i kanë shprehur problemet e tyre ministres, e cila ka premtuar ngritjen e një grupi pune.
Gjithashtu, ajo i ka bërë thirrje Policisë për ndërhyrje urgjente.
Përfaqësuesit u shprehën se ka një “konkurrencë të padrejtë”. Kjo pasi makinta private kryejnë funksionin e taksive të palicencuara.
“Duke nisur që nesër Policia e Shtetit do të nisë aksionin”, tha ministrja.
Përfaqësuesit e Shoqatës kanë kërkuar një rishikim të orareve, pasi kjo bën që të ketë përplasje pasi makina të shumta qarkullojnë në ato orare.
Ata kanë shprehur mbështetjen për nismën e re e-transport, e cila do të jetë një risi në Shqipëri.
Kërkesat e Shoqatës së Transportit mbeten të njëjta si ato të një viti më parë.
Kjo duke nisur nga heqja e akcizës së naftës dhe taksave për karburantin.
Për përfaqësuesit e Unionit, nga hapja e transportit prej 1 vit e gjysmë, gjendja është ende në pikën fillestare.
“Asnjë nga institucionet përgjegjëse nuk ka marrë asnjë masë apo plotësim të kërkesave ekonomike të premtuara”, shkruhet në letrën e tyre.
Ata informojnë se gjenden në këtë situatë të vështirë edhe pas shumë kërkesave dhe njoftimesh si në institucionet vendore dhe ato qendrore.
“Ky mosreagim i tyre na bën që të shkojmë deri në një kapitullim ekonomik të këtij sektori”.
Unioni ka kërkuar mirëkuptimin e qytetarëve dhe ka shprehur dëshirën për realizimin e kërkesave të institucioneve përgjegjëse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
Komisioni Hetimor për TIMS publikon listën e dëshmitarëve që do të pyeten: Balla, Rrumbullaku e Hyseni mes tyre
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Meta rreshtohet me VMRO dhe ‘parashikon’ fitoren e tyre në Maqedoninë e Veriut
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog