Tregu i Juventus-it po lëviz, duke kërkuar burime që të mund të riinvestohet në treg, por, mbi të gjitha, i dobishëm për të ndjekur atë koncept të qëndrueshmërisë të nënvizuar disa herë nga drejtori i ri i futbollit Cristiano Giuntoli në ditën e prezantimit të tij. Dhe duke folur për operacionet që po përcaktohen, Arthur Melo tani është një hap larg të bëhet një lojtar i ri i Fiorentina-s.
Pas një eksperience me Liverpool-in, braziliani do të bëhet zyrtarisht pjesë e Fiorentina-s së shpejti. I ka mbetur vetëm nënshkrimi i kontratës.
Arthur, që nga mbrëmja e të enjtes ndodhet në Firence dhe sot është gati për t’iu nënshtruar ekzaminimeve mjekësore, si dhe do të nënshkruajë kontratën e tij njëvjeçare.
Por cila do të jetë formula e operacionit?
Sipas thashethemeve të fundit në shtypin sportiv italian, Fiorentina do të paguajë 2 milionë euro për huazimin, 20 milionë euro për blerjen përfundimtare (jo e detyrueshme) dhe 2 milionë bonuse të tjera të lidhura me paraqitjet. Ndërkohë, Arthur ka një marrëveshje për të rinovuar me Juventus-in (kontrata skadon në 2025).
Jo vetëm kaq, pasi klubi i Juventus-it do të duhet të përballojë edhe koston e përgjithshme të pagës së lojtarit.
Duke u nisur nga aspektet më të thjeshta, Juventus do të buxhetojë një të ardhur huazimi prej 2 milionë eurosh për sezonin e ri. Megjithatë, tarifa e amortizimit do të rëndojë mbi buxhetin e bardhezinjëve.
Më 30 qershor, Arthur kishte një vlerë neto prej 32,666,400 euro, kështu që pjesa, duke marrë parasysh kontratën që skadon në 2025, do të jetë 16,333,200 euro. Në rast rinovimi (e pa shpallur ende) dhe shpërndarjes së vlerës së mbetur në disa vite, tarifa për sezonin 2023-24 do të jetë më e ulët.
Një tjetër aspekt për të mos u nënvlerësuar është paga e tij, e cila sipas shtypit sportiv do të paguhet tërësisht nga Juventus-i. Nëse do të ishte kështu, zhvlerësimit do t’i shtoheshin 6.55 milionë pagë bruto.
Në përgjithësi, midis kostove dhe të ardhurave, Arthur do të peshonte pothuajse 20.9 milionë euro në llogaritë e sezonit të ri 2023-24.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
