Analiza problematike e AShAK, reagon Kraja: Po bëhet fushatë kundër meje dhe institucionit që përfaqësoj
Kryetari i Akademisë së Shkencave dhe Arteve, Mehmet Kraja, përmes një postimi në rrjetin e tij social në Facebook, i ka quajtur “fushatë kundër meje dhe institucionit që përfaqësoj” reagimet e publikut dhe raportimet e mediave ndaj një analize që ishte shkruar nga AShAK në muajin janar të këtij viti e titulluar “Synimet Destabilizuese të Serbisë në Kosovë dhe në Ballkanin Perëndimor”.
Analiza e AShAK ka nxitur reagime edhe të politikanëve.
Sipas kryetarit të Partisë Demokratike të Kosovës, Memli Krasniqi, analiza e publikuar rishtazi nga vetë Kraja, ani pse e njëjta ishte përgatitur në fillim të vitit nuk ishte asgjë më shumë se një “pamflet politik e antishqiptar”, meqë teksti i analizës ishte pa referenca, e mbushur me mllef e pasaktësi.
Megjithatë për Krajën analiza në fjalë “denonconte të gjitha veprimet subversive të shtetit fqinj, përshirë edhe ndërhyrjet e saj në Gjykatën Speciale”.
“Meqë portalet janë duke e manipuluar opinionin, madje duke nxitur reagimin edhe të ndonjë lideri të partive politike, dua t’i inkurajoj lexuesit që analizën e Akademisë ta lexojnë të plotë, të mos krijojnë bindje të gabuara dhe të mos bëhen pjesë e fushatave denigruese”, ka shkruar ndër të tjera ai.
Në analizën e AShAK ndër të tjera kritikoheshin ish-qeveritë e kaluara, ish-presidenti Hashim Thaçi, Shqipëria dhe kryeministri Edi Rama.
AShAK, që është institucioni më i lartë shkencor në Kosovë, në këtë analizë konkludonte se Gjykata Speciale u krijua nën trysninë e faktorit ndërkombëtar, ndërkohë që akuzonte ish-Presidentin Thaçi si “ideatori” i ndarjes së Kosovës.
Pa asnjë referencë shkencore, AShAK, kishte shkruar më tej se Kosova ka bërë gabim të madh që pranoi njohje të sponsorizuara në mënyrë korruptive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
-
Britania e Madhe do të votojë pro Kosovës në Këshillin e Evropës
-
Osmani takon Hovenierin: Vazhdimi i masave është i padrejtë
Lajmet kryesore
-
Apeli i ‘shurdhët’ i Celibashit për mundësimin e votës së diasporës
-
Si ‘gangsterët’ ballkanikë u bënë furnizuesit kryesorë të kokainës në Evropë
-
Lirimi nga burgu i themeluesit të Agimit të Artë zemëron antifashistët grekë
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit