Ambasadorja Zhekra-Hoxha takon kryediplomatin malazez: Suksesi i Malit të Zi në rrugën evropiane do jetë në dobi të Kosovës

Ambasadorja e Kosovës në Mal të Zi, Ariana Zhekra-Hoxha, është takuar me Ministrin e Punëve të Jashtme të Malit të Zi, Aleksa Beçiç, ku është theksuar rëndësia e forcimit të bashkëpunimit mes dy vendeve respektive.

Gjatë takimit, siç ka njoftuar kabineti i Spajiç-it, ambasadorja kosovare ka theksuar lidhjet historike, politike dhe ndërpersonale të vetë qytetarëve që lidhin Malin e Zi dhe Kosovën, derisa ka shprehur mirënjohjen për shtetin malazez për mbështetjen e proceseve të shumta integruese dhe reformuese.

“Suksesi i Malit të Zi në rrugën evropiane do t’i sjellë dobi Kosovës dhe gjithë Ballkanit Perëndimor, jo vetëm në nivelin e shkëmbimit të përvojave, por edhe sepse Mali i Zi do të mund t’i ndihmojë fqinjët më lehtë nga ai pozicion”, ka theksuar diplomatja kosovare.

Tutje, Zherka-Hoxha ka potencuar veçanërisht domosdoshmërinë e bashkëpunimit në mes dy vendeve në fushën e sigurisë, duke marrë parasysh kufijtë e përbashkët dhe nevojën për veprim të përbashkët në luftimin e krimit të organizuar.

Nga ana tjetër, aty thuhet se Beçiç, ka konfirmuar përkushtimin 100 për qind të Malit të Zi për një kurs pro-evropian dhe properëndimor, duke theksuar rëndësinë e forcimit të bashkëpunimit me vendet fqinje.

“Ne të gjithë përfitojmë nga bashkëpunimi i ndërsjellë i vendeve të Ballkanit Perëndimor, marrëdhëniet e mira, ekonomike, politike, ndihma në proceset integruese dhe forma të tjera bashkëpunimi, nga qasjet e ndryshme ka vetëm dëm, ndaj formula është shumë e thjeshtë dhe ekziston. asnjë alternativë bashkëpunimi, dialogu dhe marrëveshjeje”, deklaroi kryediplomati malazez.

Zëvendëskryeministri Beçiç beson se hyrja e Malit të Zi në familjen e shteteve evropiane do të sillte përfitime të rëndësishme jo vetëm për shoqërinë malazeze, por edhe për të gjithë Ballkanin Perëndimor, dhe kjo, sipas tij, “reflektohet në faktin se prosperiteti i përbashkët është çelësi i një të ardhmeje të suksesshme”.

Harta politike në Mal të Zi me qeverinë e re – Si (nuk) do të ndryshojë raporti me Kosovën

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.