Ambasadori amerikan në Rusi, John Sullivan është larguar nga Moska duke u tërhequr kështu nga shërbimi publik.
Lajmi u bë i ditur nga ambasada amerikane pa shpjeguar motivimet prapa këtij vendimi.
“Ambasadori i SHBA-ve në Federatën Ruse John J. Sullivan ka përfunduar mandatin e tij si i dërguar i SHBA-së dhe është larguar sot nga Moska”, vëren njoftimi zyrtar.
Sullivan u emërua në dhjetor të vitit 2019 dhe ka shërbyer si ambasador për gati tre vjet.
Pas largimit të tij, ai do të tërhiqet nga karriera në shërbimin publik që ka zgjatur katër dekada dhe nën pesë presidentë të SHBA-ve.
Këto, duke përfshirë shërbimin si Zëvendës Sekretar i Shtetit dhe në pozicione të larta në Departamentin e Drejtësisë, Mbrojtjes dhe Tregtisë.
Elizabeth Rood do të marrë detyrat si e Ngarkuar me Punë në Ambasadën e SHBA-ve në Moskë derisa të mbërrijë pasardhësi i diplomatit amerikan.
Përfundimi i misionit diplomatik të ambasadorit amerikan në Rusi dhe largimi i tij nuk u raportua më herët.
Një ditë më parë, Sullivan përfaqësoi SHBA-të në lamtumirën e presidentit të fundit sovjetik, Mikhail Gorbachev, në Moskë.
Kujtojmë që në prill të vitit 2021 Administrata Biden konfirmoi në detyrë ambasadorin amerikan të emëruar nga Trump.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit