“Ne jemi për gjetjen e një zgjidhjeje me dialog, por gjëja më e rëndësishme është ndalimi i aktiviteteve të luftës, agresionit dhe vrasjes së civilëve”.
Është kjo deklarata e kryeministrit të Malit të Zi, Dritan Abazoviç, për median malazeze “RTCG”, përcjell Albanian Post, pas vizitës në qytetet ukrainase të Borodjanka dhe Irpin.
Abazoviç, së bashku me kryeministrin e Shqipërisë, Edi Rama, të mërkurën e 15 qershorit mbërritën në Kiev, ku patën mundësinë të vizitojnë qytetet e shkatërruara nga lufta dhe panë një katastrofë të madhe humanitare.
“Është tragjike ajo që pamë dhe dëgjuam, infrastruktura u shkatërrua, dhe përfundimi është i thjeshtë – duhet të jemi krenarë për qytetarët e Malit të Zi që zgjodhën paqen. Paqja nuk ka çmim, paqja është gjithçka që na nevojitet”.
Gjatë vizitës aty, zyrtarët lokalë u thanë kryeministrave se sa shumë qytete ishin prekur nga lufta. Delegacioni u njoftua gjithashtu se një numër i madh i qytetarëve janë kthyer në Irpin.
We visited the town of #Irpin, where 1100 households were wrecked. Most of the citizens left their homes, infrastructure was ruined …We sympathize with Ukraine for the loss of many lives and suffering they have been going through for months.
Peace is invaluable🙏@ediramaal pic.twitter.com/89pCztXSJB
— Dr Dritan Abazovic (@DritanAbazovic) June 15, 2022
Gjithashtu në median sociale Twitter, kryeministri malazez ka shpërndarë të tjera detaje nga vizita në Kiev.
“Ne vizituam gjithashtu qytetin Irpin, ku u shkatërruan 1 mijë e 100 familje. Qytetarët janë larguar kryesisht nga shtëpitë e tyre, infrastruktura është shkatërruar… Ne qëndrojmë pranë Ukrainës për humbjet e shumë jetëve njerëzore dhe vuajtjet që kanë kaluar prej muajsh. Paqja nuk ka çmim”, shkruan Abazoviç,
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
