Fituesi i 20 Grand Slam-eve dhe një prej “tre të mëdhenjtë” e tenisit (Federer, Nadal dhe Djokovic) Roger Federer, planifikon të marrë pjesë ne French Open i cili zhvillohet nga data 24 maj deri në datën 13 qershor.
39-vjeçari zviceran kishte munguar prej më shumë se 14 muajsh në kalendarët e kompeticioneve madhore të tenisit. Në fakt, pjesëmarrja e tij e fundit ishte ajo në Qatar Open (8 – 14 mars).
Mungesa e shpeshtë e Federer, është shkaktuar kryesisht nga ndërlikime në gjunjtë e këmbëve – edhe këtë radhë, asgjë nuk ka ndryshuar – problemet e dëmtimeve në gjunjtë ia mohuan pjesëmarrjen në aktivitetin kalendarik të tenisit.
Në 2016, dëmtimi në menisk, të cilin e operoi, ia mohoi pjesëmarrjen në Dubai Open dhe Indian Wells Open.
“Jam i lumtur t’ju bëj me dije se do të luaj në Gjenevë dhe Paris. Deri atëherë, do shfrytëzoj kohën e mbetur për t’u stërvitur. Mezi pres të luaj sërish në Svicer”, shkroi Federer në Twitter.
Që nga janari 2020 e deri më sot, Federer ka luajtur vetëm dy ndeshje zyrtare dhe të dyja në Qatar Open: e para kundër britanikut Dan Evans, të cilën e fitoi dhe e dyta, që u humb prej tij, kundër gjeorgjianit Nikoloz Basilashvili.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
