Petkoviçi akuzon NATO-n për “standarde të dyfishta” pas avancimit të Kosovës: Serbia dhe Vuçiçi – therrë për fuqitë perëndimore
![](https://albanianpost.com/wp-content/uploads/2024/05/Petkovic.jpg)
Drejtori i të ashtuquajturës “Zyrë për Kosovë” në Qeverinë e Serbisë, Petar Petkoviç, përmes një deklarate të lëshuar për shtyp të hënën, pretendoi se avancimi i pozitës së Kosovës në Asamblenë Parlamentare të NATO-s ekspozoi “politikat e dyfishta” të komunitetit perëndimor, duke pretenduar se “as garancitë e NATO-s nuk vlejnë kur bëhet fjalë për serbët” në Kosovë.
Petkoviçi propagandoi se “terrori” i kryeministrit të Kosovës, Albin Kurti, mbështetet hapur nga “fuqitë perëndimore që janë të gatshme të mbyllin sytë para të gjitha mosveprimeve të regjimit në Prishtinë, nëse u përshtaten qëllimeve të tyre gjeopolitike” në rajonin e Ballkanit Perëndimor.
“Jemi dëshmitarë se sa shumë, sidomos kohët e fundit, ushtrojnë presion të fortë ndaj Serbisë dhe popullit serb, sepse është e qartë se një Serbi e fortë e udhëhequr nga Aleksandër Vuçiç është therrë në këmbë për fuqitë e shumta perëndimore”, shtoi ndër të tjera Petkoviçi në një deklaratë.
Asambleja Parlamentare e NATO-s, krahu legjislativ që mbledh rreth vetes delegatë nga të gjitha vendet anëtare të aleancës, miratoi të hënën rekomandimin për avancimin e statusit të Kosovës nga anëtare vëzhguese në anëtare të asocuar – një hap shumë i rëndësishëm drejt anëtarësimit të plotë.
Në favor të avancimit të statusit të Kosovës votuan shumica e vendeve anëtare, një votë ka qenë kundër dhe 14 vende tjera kanë abstenuar nga votimi i 27 majit 2024, në kuadër të sesionit pranveror të Asamblesë Parlamentare të NATO-s, që sivjet mbahet në Sofje të Bullgarisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
-
Partitë kryesore spanjolle kundërshtojnë njohjen e pavarësisë së Kosovës
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj