Manchester United, Liverpool dhe Arsenal, janë të interesuara për të siguruar shërbimet e sulmuesit të talentuar Patson Daka.
Daka, aktualisht luan te skuadra austriake Red Bull Salzburg, i cili në këtë sezon po shkëlqen, ku në 32 paraqitjet në të gjitha garat, ka shënuar 30 gola.
Ai madje shënoi një tregolësh brenda 11 minutash në fitoren e fundit që skuadra e tij e mori të dielën përballë Sturm Graz me rezultat 3:1.
22-vjeçari është pjesë e ekipit Salzburg që nga qershori i vitit 2017, i cili në 115 paraqitjet e tij, ka arritur të shënojë plotë 64 herë.
Reprezentuesi i Zambias ishte i lidhur me klubet e Premier Ligës edhe më parë, por spekulimet mbi të ardhmen e tij janë rritur edhe më shumë, pas formës së mirë që po e tregon ai.
Ndryshe vlera e tij sipas “Transfermarkt” aktualisht është 20 milion euro.
Daka po cilësohet një talent sikurse ish-sulmuesi tjetër i Salzburgut, Erling Haaland, i cili tani po kërkohet nga të gjithë klubet e mëdha të Evropës, dhe kartoni i tij tani më është plotë 180 milion euro.
Dhe klubet e mëdha evropiane, mund ta tranferojnë Patson Daka me një çmim shumë të volitshëm, duke llogaritur se tek ai shihet një e ardhme premtuese.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE