Policia e Kosovës angazhon personel shtesë në pikat kufitare Kosovë – Serbi për ta garantuar lirinë e lëvizjes
Policia e Kosovës ka njoftuar se ka angazhuar personel shtesë në pikat kufitare ndërmjet Kosovës dhe Serbisë – Merdarë, Jarinjë, Bërnjak, Dheu i Bardhë e Muçibabë – për të menaxhuar fluksin e krijuar si rezultat i zgjedhjeve të jashtëzakonshme parlamentare, lokale e krahinore në Serbi.
Serbët e Kosovës kanë udhëtuar në mënyrë të organizuar nga pjesa veriore e vendit drejt Serbisë për të ushtruar të drejtën e votës. Gjithashtu edhe Komuna e Gjilanit ka organizuar transport për qytetarët e Luginës së Preshevës – Preshevë, Medvegjë e Bujanoc – për të votuar në zgjedhje.
“Policia e Kosovës, sipas mandatit të saj ligjor e kushtetues dhe sipas planifikimeve operacionale, do të kujdeset për ruajtjen e rendit kushtetues, ofrimin e sigurisë ndaj qytetarëve të cilët në mënyrë të organizuar apo çfarëdo forme tjetër do të lëvizin brenda Republikës së Kosovës në drejtim të Serbisë dhe anasjelltas”, ka thënë Policia e Kosovës.
Serbët e Kosovës me shtetësi të dyfishtë do të ushtrojnë të drejtën e tyre në jugperëndim të Serbisë, përkatësisht në qytetet që janë afër kufirit të Kosovës – Vranjë, Kurshumli, Rashkë dhe Tutin. Kërkesa e Serbisë për t’i organizuar zgjedhjet edhe në Kosovë është refuzuar nga Qeveria e Kosovës. Serbia nuk ka qenë e gatshme t’i pranojë kushtet e ekzekutivit kosovar.
E të drejtë vote kanë rreth 6.5 milionë shtetas të Serbisë. Qendrat e votimit janë hapur në orën 07:00 të mëngjesit, ndërsa serbët mund ta shfrytëzojnë të drejtën e votës deri në orën 20:00 në mbrëmje. Deri në orën 14:00 kanë votuar 32.38 për qind e qytetarëve, ndërsa procesi zgjedhor në Serbi do të monitorohen nga mbi 5 mijë vëzhgues vendas dhe të huaj.
Shpallja dhe organizimi i zgjedhjeve në Serbi vjen në një periudhë kur janë intensifikuar përpjekjet e bashkësisë së organizuar ndërkombëtare për normalizimin e marrëdhënieve ndërmjet Kosovës dhe Serbisë, në dritën e ngritjes së tensioneve pas sulmit të armatosur terrorist të 24 shtatorit në fshatin Banjë të Zveçanit në pjesën veriore të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti pasi “VLEN” humbi zgjedhjet: Do jemi pjesë e Qeverisë – përfaqësojmë votën e pastër shqiptare
-
Hoxhaj: Përkundër luftës në Gaza, Palestinën e njohën 4 shtete – Kosova qe 4 vjet pa njohje
-
REL: Kosova s’është në agjendën e Komitetit të Ministrave të KiE-së
-
Hoti radhit anëtarësimet e Kosovës në organizata ndërkombëtare: Kur Kosova koordinohet me aleatët s’kushtëzohet
Lajmet kryesore
-
REL: Kosova s’është në agjendën e Komitetit të Ministrave të KiE-së
-
Manja i përgjigjet Alibeajt: 8 të dënuar nga GJKKO-ja përfituan nga Amnistia, nuk janë simbol i korrupsionit
-
Trajnuesit ushtarakë perëndimorë mund të shkojnë në Ukrainë, thotë ministri i Lituanisë
-
Siljanovska Presidente e re e RMV-së, VMRO merr 58 deputetë, “Fronti Evropian” 19, LSDM 18, “VLEN 13