7 mijë e 600 biznese nga data 1 janar e vitit 2021 kanë nisur zbatimin e sistemit të ri të lëshimit të faturave tatimore, të njohur si fiskalizimi.
Këto subjekte do të lëshojnë fatura elektronike, duke përdorur Software-in e instaluar në pajisjen e tyre kompjuterike, telefon apo tablet.
Faturat elektronike do të shkëmbehen nëpërmjet Platformës Qendrore të Faturave.
“Aktualisht janë 19-të subjekte të cilët janë certifikuar për të shitur Software. Ndërkohë janë mbi 50-të subjekte të tjera në faza testimi, të cilat priten të certifikohen në një fazë të shkurtër”, deklaroi Drejtoresha e Tatimeve, Delina Ibrahimaj.
Ibrahimaj tha se për një periudhë tranzitore nuk do të ketë masa ndëshkuese për subjektet që nuk e kanë blerë Software-in.
Subjektet që nuk do ta kenë mundësinë e blerjes së Software-it, do të kenë mundësinë të përdorin portalin pa pagesë “Self Care”, nëpërmjet të cilit do të lëshojnë faturat për entet publike.
“Ky është një proces gradual i modernizimit dhe mendoj që kasat do të dalin jashtë funksionimit gjatë viteve në vijim” shtoi Ibrahimaj./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Me mbi 75% e votave të numëruara “Fronti Evropian” ka 20 mijë vota më shumë se “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
Kasami: Nga nesër mund të shpallim koalicionin e ndryshimit me VMRO-DPMNE