Sekretari amerikan i Shtetit, Antony Blinken, ia ka rikujtuar presidentit serb, Aleksandër Vuçiç, se njohja reciproke mes Kosovë dhe Serbisë është synim i vjetër amerikan.
Në një letër të Blinken për Vuçiç, sekretari amerikan i Shtetit shkruan se “qëllimi i kamotshëm i Shteteve të Bashkuara të Amerikës është ta shoh Serbinë dhe Kosovën të arrijnë një marrëveshje të përbashkët me qëllim njohjen reciproke”.
Blinkën më pas në letër shkruan se e kupton vështirësinë e këtij hapi, por që përkundër se i vështirë, është i domosdoshëm.
“Kjo do të kërkojë fleksibilitet, mendime përparimtare, dhe vullnet nga të gjitha anët për kompromis. Normalizimi i plotë i marrëdhënieve do ta avancojë të ardhmen evropiane për të gjithë rajonin”, shkruan Blinken në letrën që vinte si përgjigje e asaj që më herët i kishte shkruar Vuçiç atij, për ta uruar për postin e rëndësishëm në administratën e re amerikane.
Amerikani i ka shkruar Vuçiçit edhe se Amerika e do Serbinë “demokratike, stabile dhe me prosperitet në shtegun e saj drejt anëtarësimit në Bashkimin Evropian”.
Kurse, krejt në fund, poshtë nënshkrimit, Blinken i ka lënë edhe një shënim Vuçiçit shkruar me dorë – diçka jo e zakonshme në letra të kësaj natyre.
“I mbaj mend të gjitha bisedat tona të mira dhe po pres t’iu kthehemi atyre”, thuhet në shënimin pranë nënshkrimit të Blinken.
Letra e amerikanit i ka pëlqyer Vuçiç-it. Përveç pjesës ku kërkohet njohje reciproke, presidenti serb e ka konsideruar letrën si “thelbësore dhe të mirë” në aspektet e tjera.
Veçanërisht Vuçiç tha se shënimi me shkrim dore “është një lajm i rëndësishëm”.
Letra e Blinken për Vuçiç u bë publike nga vetë presidenti serb dhe më pas u publikua nga mediat në Serbi.
Letrës së amerikanit i ka reaguar edhe ish-kryeministri i Kosovës, Avdullah Hoti.
Ai ka shkruar në llogarinë e tij në Facebook se kërkesa për njohje të Kosovës tregon “miqtë e vërtetë të Kosovës”.
Prandaj, sipas Hotit, “duhet ta ruajmë miqësinë speciale me SHBA-të”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Protestat në kampusin amerikan: Grupet rivale të protestës në Gaza përleshen në UCLA
-
Diplomatët shpresojnë për një marrëveshje ndërsa Izraeli zbut qëndrimin
-
Anketa e IRI për Kosovën: SHBA-të aleati më i rëndësishëm, Serbia kërcënimi më i rrezikshëm
-
Liria e medias “rrezikshëm afër pikës së thyerjes” në disa vende të BE-së
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE