![](https://albanianpost.com/wp-content/uploads/2023/07/WH-Arben-Gashi-111-720x480-1.jpg)
Shefi i Grupit Parlamentar të Lidhjes Demokratike të Kosovës, Arben Gashi, në seancën plenare të Kuvendit të Kosovës, ka kritikuar Qeverinë e Kosovës dhe kolegen e tij, Mimoza Kusari – Lilën pas publikimit të audio-incizimeve ku kjo e fundit dëgjohet duke komunikuar pjesëtarë të Listës Serbe, përfshirë edhe kriminelin dhe terroristin, Milan Radojiçiç, person në listën e zezë të Shteteve të Bashkuara të Amerikës dhe i ikur nga drejtësia në Kosovë,
“Të nderuar kolegë, zdravo Albin”, e nisi fjalën e tij Gashi.
Sipas tij kryeministri i Kosovës dhe Qeveria e udhëhequr nga ai dallohen për skandale në vazhdimësi.
“Skandali i komunikimit me një person në kërkim ndërkombëtar për vrasje nga organet e drejtësisë së Kosovës dhe në listë të zezë të SHBA-ve është skandal shumë i madh”, shtoi ai.
Për Gashin është e qartë se Kusari-Lila komunikimin me Listën Serbe e ka bërë me lejen e kryeministrit.
Gashi tha se asnjëherë nuk ka pranuar ftesë nga Kusari – Lila për të pirë kafe siç ka pirë ajo me Sllavko Simiçin e për të biseduar se si të stabilizohet kuvendi.
“Kurti tha se Kusari-Lila ka për detyrë për me bo numrat dhe nëse ia ka dhanë me bo numrat ia ka dhënë urdhër me e bo edhe komunikimin dhe komunikimin ia ka dhënë mos me e bo me deputetët shqiptarë, mua asnjëherë nuk më ka thirru me pi një kafe e me diskutu se si të veprohet për të stabilizuar Kuvendin”.
Ndryshe deputetët e Partisë Demokratike të Kosovës, në fillim të seancës së Kuvendit, kanë vendosur dy pankarta ku shkruan “Zdravo”, që në shqip do të thotë përshëndetje, në Kuvendin e Kosovës, si reagim ndaj publikimit të audio-incizimeve të Mimoza Kusari – Lila me nënkryetarin e Listës Serbe, Slavko Simiç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
-
Partitë kryesore spanjolle kundërshtojnë njohjen e pavarësisë së Kosovës
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj