Sekretari organizativ i Partisë Demokratike të Kosovës, Betim Gjoshi, ka thënë se kryeministri i vendit, Albin Kurti, po mbështetet në thashetheme dhe jo në fakte, pasi ky i fundit hodhi dyshime se ish-kandidati për kryetar të Komunës së Leposaviqit, Aleksandër Jabllanoviç, ka bojkotuar zgjedhjet për shkak të një “oferte luksoze” nga Serbia.
Nëpërmjet një postimi në llogarinë e tij në “Facebook”, anëtari i PDK-së ka thënë se pretendimet e kreut të ekzekutivit e kanë “degraduar” postin e kryeministrit dhe, për më tepër, siç ka thënë ai, zyrën e tij një institucion që mbështetet në “thashetheme e fjalë të kafeneve”.
“Deklarata e sotme e Kurtit e degradon postin e kryeministrit dhe e bënë zyrën e tij një institucion që mbështetet në thashetheme e fjalë të kafeneve. Gjithashtu, kjo deklaratë, fyen punën e institucioneve tjera shtetërore dhe sidomos atyre të sigurisë/drejtësisë”, ka shkruar Gjoshi.
Kryeministri Kurti ka hedhur dyshime se politikani serb ka marrë një milion euro dhe dy banesa në Beograd për t’i bojkotuar zgjedhjet lokale të 23 prillit për kryetarët e katër komunave veriore të Kosovës – Leposaviq, Zveçan, Zubin Potok dhe Mitrovicë e Veriut.
“Kam dëgjuar se ka marrë një milion euro dhe dy apartamente në Beograd. Ndoshta nuk është e vërtetë, por gjithsesi duhet të ketë pasur një presion shumë të madhe ose një ofertë shumë luksoze, që e detyroi Jabllanoviçin të thotë se nuk do të gjuajë menjëherë penalltinë”, ka thënë kryeministri.
Jabllanoviç nga ana tjetër, nëpërmjet një cicërime në llogarinë e tij në “Twitter”, ka reaguar ndaj deklaratës së kryeministrit Kurti, duke shprehur gatishmërinë që t’ia jap një apartament dhe 500 mijë euro kryeministrit, nëse ky i fundit tregon se ku ndodhen apartamentet dhe pjesa tjetër e parave.
“Në një sistem serioz demokratik sot në Prokurori do të intervistohesha unë ose Albin Kurti, por meqë jemi larg demokracisë, kryeministrit po ia jap një apartament dhe 500 mijë euro, po i kërkoj vetëm të më tregojë ku është apartamenti dhe pjesa tjetër e parave”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Beleri nga burgu thotë se Rama po kërkon të sfidojë Greqinë
-
Vuletiç: Politikanët në Serbi e dinë se s’ka më njerëz që luftojnë për Kosovën
-
Homazhi i zgjuar i Angelina Mango për Palestinën, një ‘minifitore’ më vete në Eurovision
-
“Do të jem presidente e të gjithëve”, betohet Gordana Silanovska-Davkova si presidente e Maqedonisë së Veriut
Lajmet kryesore
-
Rama: Shqipëria s’ka asnjë pretendim ndaj Greqisë, veç respektit
-
Beleri nga burgu thotë se Rama po kërkon të sfidojë Greqinë
-
Mitsotakis dhe Erdogan do të diskutojnë të ardhmen e marrëdhënieve greko-turke
-
Një muaj paraburgim për Miletiç-in – lëndoi dhjetëra ushtarë të KFOR-it, policë dhe gazetarë në Veri