![](https://albanianpost.com/wp-content/uploads/2023/04/Bisl.png)
Zëvendëskryeministri i Kosovës, Besnik Bislimi, në ditën e parë të vizitë së tij në Suedi ka takuar ministren për çështje të BE-së, Jessika Roswall, me të cilën kanë diskutuar shqyrtimin e aplikimit të Kosovës për anëtarësim në Bashkimin Evropian, gjatë presidencës suedeze të Këshillit të BE-së.
“Statusi i kandidatit është qëllimi ynë i radhës”, ka shkruar Bislimi në rrjetin e tij social në Twitter pasi sipas tij në dy vjetët e qeverisjes është bërë progresi i rëndësishëm në rrugën e Kosovës drejtë integrimeve evropiane.
“Progres i rëndësishëm është bërë në dy vjetët e qeverisë sonë në rrugën e integrimit në BE. Liberalizimi i vizave u arrit dhe anëtarësimi i Kosovës në Këshillin e Evropës kaloi fazën e parë”, ka shkruar ndër të tjera Bislimi në Twitter.
Significant progress made in two years of our Govt in the EU integration path. Visa lib achieved & CoE memb. passed in the first phase. Candidate status is our next goal.
W/🇸🇪 Min. for EU Affairs @JessikaRoswall, I emphasized that it is a pivotal moment for 🇽🇰's European future. pic.twitter.com/CNO7Wsp4zl
— Besnik Bislimi (@BislimiBesnik) April 27, 2023
Zëvendëskryeministri Bislimi, gjatë qëndrimit në Suedi është takuar edhe me Sekretarin e Shtetit për Çështje Evropiane, Christian Danielsson.
Bislimi e Danielsson kanë folur për rrugëtimin e Kosovës në proceset e integrimit evropian, liberalizimin e vizave e pranimin e aplikimit të Kosovës në KiE.
“7 vite pas nisjes së zbatimit të Marrëveshjes së Stabilizim Asocimit, Kosova ka bërë përparim të dukshëm në përmbushjen e reformave dhe agjendës evropiane. Vetëm në dyvjeçarin e fundit, është arritur miratimi i numrit më të lartë ndonjëherë të projektligjeve të reformave në kuadër të Integrimit Evropian”, thuhet në njoftimin e qeverisë.
Më 15 dhjetor të vitit të kaluar, Kosova ka dorëzuar aplikacionin për anëtarësim në Bashkimin Evropian nën presidencën çeke.
Prej 1 janarit deri më 30 qershor të këtij viti Presidencën e Këshillit të BE-së e mban Suedia.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim
-
LDK: Edhe një vendim anti-kushtetues i Qeverisë
-
Partitë kryesore spanjolle kundërshtojnë njohjen e pavarësisë së Kosovës
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj