Inter-i është duke vuajtur në Serie A, por e njëjta gjë nuk qëndron në Ligën e Kampionëve, pasi që zikaltrit janë një hap larg kualifikimit në gjysmëfinale, duke qenë se ndeshjen e parë e fituan në udhëtim te Benfica.
Në prag të ndeshjes së kthimit, trajneri i Inter-it, Simone Inzaghi, tha se është mësuar tashmë me presionin, megjithatë u shpreh i bindur se Inter-i do t’ia dalë të jetë mes katër ekipeve më të mira të Evropës.
“Kemi luajtur pjesën e parë me Benfica-n dhe na pret një pjesë e dytë mjaft e vështirë. Nuk do të rrimë të presim, për të mbrojtur avantazhin e dy golave, por do të kërkojmë të mbyllim llogaritë sa më shpejt. Situata në kampionat është e vështirë, por unë jam mësuar me presionin dhe jam i bindur që do të nxjerrim më të mirën tonë”, tha trajneri italian.
Sulmuesit e Interit janë “simboli” i krizës, pasi nuk shënojnë prej kohësh dhe shpërdorojnë shumë në çdo takim, megjithatë Inzaghi nuk duket aspak i shqetësuar.
“Unë kam qenë vetë sulmues dhe shqetësohesha vetëm kur nuk krijonim raste. Sulmuesit tanë janë të pafat kohët e fundit, por rastet po krijohen dhe herët e vonë, edhe ata do të rikthehen të shënojnë rregullisht”, shtoi Inzaghi.
Kujtojmë që mbi trajnerin e Inter-it është duke u bërë një presion i madh, madje mediat italiane shkruajnë se ai do të shkarkohet në rast se nuk arrin ta fitojë Ligën e Kampionëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Një darkë në Elysee për të bindur Scholz-in për Kinën
-
Kosova shënon regres për 19 vende në indeksin e “Reporterëve Pa Kufij” – gazetarët vazhdojnë të jenë cak i sulmeve politike