Nëpër botë, rrugëtimi ndërkombëtar i filmave të regjisores Xhanfise Keko, vijon.
Ngjashëm edhe nderimi për individualitetin dhe personalitetin artistik të saj.
Filmat e regjisores për fëmijë po shfaqen në kinematë spanjolle.
Kinemaja në Spanjë ofron për shikuesit katër nga filmat e saj më të famshëm: “Tomka dhe shokët e tij”, “Beni ecën vetë”, “Mimoza llastica” dhe “Taulanti kërkon një motër”.
Sakaq, regjisorja shqiptare bashkë me filmat e saj ndodhet mes emrave të shquar si Jean Vigo, François Truffaut apo Abbas Kiarostami.
Spanjollët, nga ana tjetër, e konsiderojnë si një autore të jashtëzakonshme të njëmbëdhjetë filmave artistikë të realizuar nga viti 1972 deri në vitin 1984 në Shqipëri.
Në to trajtohen sfidat, zhgënjimet dhe aspiratat e fëmijërisë.
Keko, me një ndjeshmëri të pazakontë, portretizon botën dhe vizionin e fëmijës, duke vendosur dëshirat dhe psikologjinë në qendër.
Çka nënkupton të kuptuarit e fëmijërisë jo si një fazë tranzicioni drejt një moshe tjetër, por si një periudhë më vete, duke respektuar autonominë e djemve dhe vajzave të përcaktuara nga filozofi i pedagogjisë René Schérer.
Si regjisore, pas një përvoje dhe eksperience gati 20-vjeçare realizoi filmin e saj të parë, me metrazh të gjatë për fëmijë.
Në vitin 1971 nisi xhirimet e filmit “Kryengritje në pallat” që do t’i prezantohej publikut në vitin 1972. Më tej do të vazhdonin filma të tjerë si “Mimoza llastica”, “Beni ecën vetë”, film i cili do të vlerësohet me Kupën e Festivalit të Parë të Filmit Shqiptar.
Pastaj “Tomka dhe shokët e tij”, “Pas gjurmëve”, “Një vonesë e vogël” dhe “Taulanti kërkon një motër”.
Filma, që do ta bënin të njohur dhe të dashur, si për publikun e vogël, por edhe për atë të rritur.
Me këto filma, Keko përfaqësoi Shqipërinë në festivale të ndryshme ndërkombëtare ku u vlerësua me çmime e tituj, si në “Giffoni Film Festival” në Itali, në Festivalin e Filmit në Beograd apo Medaljen e Presidentit të Republikës Italiane.
Por edhe në atdhe Keko do të vlerësohej për punë e saj të madhe në kinematografinë për fëmijë.
U vlerësua me “Çmimin e Madh të Republikës”, në vitin 1979. Po në të njëjtin vit ju dha titulli “Artiste e Merituar”, ndërsa pesë vjet më vonë edhe titulli i lartë “Artiste e Popullit”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“The Fall Guy” nuk arrin lartësitë e nevojshme për të bërë një spërkatje vërtet të madhe
-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë
-
Vajza e Beyonce dhe Jay Z, Blue Ivy Carter debuton në botën e filmave
-
Meryl Streep bën shaka duke thënë se Nicole Kidman është aq e mirë në aktrim saqë është “traumatizuese”
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Lirimi nga burgu i themeluesit të Agimit të Artë zemëron antifashistët grekë
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit