Kupa e Shqipërisë ka zhvilluar gjashtë nga tetë ndeshjet e kthimit të raundit të 16-ve. Tirana, Partizani, Kukesi, Kastrioti, Egnatia dhe Laçi janë kualifikuar në çerekfinale.
Tirana mundi Lushnjën 1-0 me golin e Regi Lushkja. Bardheblutë fituan edhe ndeshjen e parë, në shifrat 3-0.
Partizani mundi 3-0 Korabin, me golat e Eljon Sota, Victor da Silva dhe Ëngjëll Hoti. “Demat e Kuq” triumfuan 3-1 në takimin e parë të zhvilluar në Peshkopi.
Laçi mundi 2-0 Tomorin, me golat e Ortelio Biba dhe Olsi Myrta. Kurbinasit kishin fituar edhe në ndeshjen e parë në Berat me shifrat 3-1.
Kukësi “shpartalloi” 5-0 Apoloninë, me golat e Ergys Peposhit, Gabriel Barbosa, Fluturim Domi (dy gola) dhe Jakup Berisha. Verilindorët në takimin e parë të luajtur në Fier kishin barazuar pa gola.
Egnatia barazoi 1-1 me Skënderbeun. Për vendasit shënoi Fernando Medeiros. Për miqtë ishte një autogol nga Michael Agbekpornu. Rrogozhinasit u kualifikuan më tej pas fitores minimale 1-0 në ndeshjen e parë në Korçë.
Kastrioti dhe Dinamo barazuan me rrjeta të paprekura. Krutanët kalojnë në raundin tjetër falë fitores 3-1 në takimin e parë.
Dy ndeshjet e fundit do të zhvillohen të premten e 3 shkurtit. Vllaznia pret Bylisin, ndërsa Teuta ndeshet me Erzenin. Shkodranët fituan 2-0 në ndeshjen e parë të luajtur në Ballsh. Kurse, takimi tjetër përfundoi në barazim 1-1.
Skuadrat e kualifikuara në Grupin A
Tirana
Partizani
Kastrioti
Vllaznia/Bylis*
Skuadrat e kualifikuara në Grupin B
Laçi
Kukësi
Egnatia
Teuta/Erzeni*
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
