Rritja e aktivitetit ekonomik francez arriti në 2.6 për qind në vitin 2022, e shënuar megjithatë nga një ngadalësim në tremujorin e katërt (+0.1%) për shkak të një rënie të mprehtë të konsumit të familjeve në një kontekst të inflacionit të lartë, tha Instituti i Statistikave të Francës (INSEE) të martën.
Në vitin 2022, produkti i brendshëm bruto (PBB) përfitoi mbi të gjitha nga rimëkëmbja e aktivitetit e regjistruar në pjesën e dytë të vitit 2021 “në fund të krizës shëndetësore”, shpjegoi instituti statistikor.
Rritja tremujore “ishte atëherë shumë më pak dinamike”, tha ai. Shifrat janë megjithatë më të mira se sa pritej, pasi INSEE priste një rritje të PBB-së me 2.5 për qind dhe një tkurrje prej 0.2 për qind në tremujorin e katërt.
Kjo rritje “dëshmon për rikthimin e fortë të ekonomisë sonë pas goditjes nga COVID dhe qëndrueshmërinë e saj përballë krizës energjetike”, ka reaguar Bruno Le Maire.
Sipas ministrit të Ekonomisë, “bazat e ekonomisë sonë janë solide: kompanitë tona vazhdojnë të investojnë dhe krijojnë vende pune”.
“Ne gjithashtu do të kemi rritje pozitive këtë vit: qëndrueshmëria e sipërmarrësve dhe punonjësve tanë është e jashtëzakonshme. Le të vazhdojmë!”, përfundoi ai.
Pas rritjes së ekonomisë me 0.2 për qind në tremujorin e tretë, tre muajt e fundit të vitit u shënuan nga një rënie e ndjeshme e konsumit familjar, e penalizuar nga rënia e blerjeve të produkteve ushqimore, të cilat pësuan rritje dyshifrore të çmimeve.
Konsumi i energjisë ra gjithashtu në tremujorin e katërt, për shkak të një vjeshte shumë të butë, por edhe si pasojë e përpjekjeve për maturi energjetike.
Prodhimi i mallrave dhe shërbimeve gjatë periudhës tetor-dhjetor u ngadalësua, i ndikuar nga goditjet e vjeshtës në rafineri dhe, në tregti, nga ulja e konsumit familjar.
Në sektorin e energjisë, ajo mbeti “e ulët”, sipas INSEE-ja, e shqetësuar nga mirëmbajtja e reaktorëve bërthamorë.
Në të kundërt, tregtia e jashtme dha një kontribut pozitiv në rritjen e PBB-së, ku importet ranë më shumë se eksportet.
Megjithëse ato vazhduan të ecnin, investimet humbën vrullin (0.8 për qind pas 2.3 për qind në tremujorin e tretë).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Protestat në kampusin amerikan: Grupet rivale të protestës në Gaza përleshen në UCLA
-
Diplomatët shpresojnë për një marrëveshje ndërsa Izraeli zbut qëndrimin
-
Anketa e IRI për Kosovën: SHBA-të aleati më i rëndësishëm, Serbia kërcënimi më i rrezikshëm
-
Liria e medias “rrezikshëm afër pikës së thyerjes” në disa vende të BE-së
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE