Obsesioni befasues i Gjeneratës Z për muzikën klasike

Një sondazh i publikuar në dhjetor 2022 nga Orkestra Filarmonike Mbretërore (RPO) zbuloi se 74 për qind e banorëve të Mbretërisë së Bashkuar të moshës nën 25 vjeç kishin të ngjarë të dëgjonin muzikë orkestrale në kohën e Krishtlindjes.

Ndërkohë, këtë kishin të ngjarë ta bënin vetëm 46 për qind e njerëzve të moshës 55 vjeç ose më shumë.

Këto shifra pasqyrojnë jo vetëm gjetjen më të gjerë të RPO-së se moshat nën 35 vjeç kanë më shumë gjasa të dëgjojnë muzikë orkestrale sesa prindërit e tyre, por edhe rritjen e përhapur të popullaritetit të muzikës klasike në përgjithësi.

Sidomos midis brezave të rinj.

Ka shumë arsye për këtë, por më me rëndësi është vala globale e Gjeneratës Z dhe artistëve të rinj klasikë, të cilët po gjejnë mënyra të reja për t’u dëgjuar.

Po ashtu po gjejnë edhe mjete të reja për të modernizuar atë që prej kohësh është quajtur zhanri më elitar i muzikës.

Në TIkTok, si dhe në Instagram, artistët e rinj klasikë kanë përdorur potencialin demokratik të sferës digjitale për të hequr perdet e rënda e për të prezantuar muzikën klasike dhe historinë e saj të rrëfyer në mënyra që janë të arritshme.

Për violinisten franceze Esther Abrami, rrugëtimi drejt famës së mediave sociale buroi nga një dëshirë për të ndarë më gjerësisht pasionin e saj.

Ajo ka vënë re se një pjesë e vogël e muzikantëve klasikë kishin hyrë në Instagram për të zgjeruar shtrirjen e tyre dhe vendosi të bënte të njëjtën gjë.

“Fillova të postoja disa dhe u habita nga reagimi që mora. Papritmas ju keni njerëz nga e gjithë bota që ju dëgjojnë dhe ju thonë se u ndrit ditën kur të shikojnë duke luajtur violinë”, tregon ajo.

Kështu, për të u hap një derë për një botë krejtësisht të re.

Baritoni nigeriano-amerikan dhe fansi i përjetshëm i hip-hop-it, Babatunde Akinboboye, gëzoi një rritje të ngjashme të shpejtë dhe befasuese në mediat sociale kur postoi videot e tij.

“Isha në makinën time dhe kuptova se të dy pjesët funksiononin së bashku muzikalisht, kështu që fillova të këndoja sipas ritmit”, tregon ai.

Ai e ka dokumentuar momentin në telefonin e tij dhe videon e ka postuar në llogarinë personale në Facebook, duke supozuar se miqtë e tij do ta shijojnë më shumë se bashkëmoshatarët e tij të operës.

“Por unë shkova për të fjetur, u zgjova të nesërmen në mëngjes dhe ishte zgjeruar në rrjetin tim të operës dhe shumë më tej”.

Pianistja britanike Harriet Stubbs është një tjetër përkrahëse e zjarrtë e muzikës klasike për audiencën moderne, e cila ka gjetur mënyrat e saj për të tërhequr dëgjues të rinj.

Gjatë bllokimeve të COVID-it, muzikantja performoi koncerte të shumta 20-minutëshe nga banesa e saj përdhese në West Kensington, duke hapur dritaret dhe duke përdorur një përforcues për të arritur dëgjuesit jashtë.

“Kam dhënë 250 koncerte”, ka treguar Stubbs.

Ajo u nderua me një medalje nga Mbretëresha për këtë akt shërbimi që shton dozat e humorit në komunitet.

Shkrirja e muzikës klasike me zhanre të tjera është një aspekt kryesor i praktikës së saj dhe i shumë të tjerëve në mesin e brezit të ri të artistëve klasikë.

Ndërthurja e vazhdueshme dhe shpesh e fuqishme e muzikës klasike me kulturën pop po vihet në plan të parë si pjesë e interesit në rritje për këtë zhanër.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.