Gjeneralmajori italian dhe komandanti i KFOR-it, Angelo Michele Ristuccia, e ka cilësuar si humbje të madhe vdekjen e një pjesëtari të misionit paqeruajtës të NATO-s në Kosovë (KFOR) i cili ka ndërruar jetë si pasojë e infarktit në Qendrën e Skijimit në Brezovicë të dielën.
“Me zemër të rëndë ju njoftojmë se dje nga shkaqe natyrale vdiq një pjesëtar ushtarak i misionit të KFOR-it të drejtuar nga NATO”, tha Ristuccia.
“Në emër të të gjithë ushtarëve të KFOR-it të NATO-s shpreh ngushëllimet e mia të sinqerta. Zemra ime është për familjet dhe miqtë e ushtarit të ndjerë dhe për të gjithë kontingjentin polak të dislokuar në Kosovë”.
Ai ka shtuar se “NATO vajton humbjen e një ushtari dhe ne jemi këtu për të mbështetur të dashurit dhe miqtë e tij”.
“Ushtarët vazhdojnë misionin e tyre të guximshëm të mandatuar nga OKB-ja”, shtoi ai.
Të dielën, lajmin për Albanian Post e ka konfirmuar zëdhënësi i Policisë së Kosovës për rajonin e Ferizajt, Kanun Veseli, i cili tha se për rastin janë njoftuar rreth orës 15:20.
Përkundër ofrimit të ndihmës së parë nga njësitet përkatëse, Veseli konfirmoi se ai nuk ka mundur të mbijetojë dhe trupi i tij është transportuar me helikopter të KFOR-it.
“Ju njoftojmë se stafi mjekësor i Shtëpisë së Shëndetit në Shtërpcë dhe pjesëtarët e KFOR-it, në ora 16:30 kanë ndërprerë reanimimin, për shkak se nuk ka pasur shenja jete”, tha Veseli.
“Është njoftuar edhe prokurori kujdestar nga Prokuroria Themelore e Ferizajt”, shtoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
U zgjodh zëvendëspresidente e PL-së, Meta thur lavde për Erisa Xhixhon
-
Kosova në Këshill të Evropës dhe Rezoluta e OKB-së për Srebrenicën – Vukotiç: Përgjigje e Perëndimit ndaj mashtrimeve të Vuçiçit
-
Vetëm SHBA-të mund ta ndalojnë sulmin e Izraelit në Rafah, thotë presidenti palestinez
-
Ora e xhepit e pasagjerit më të pasur të Titanikut shitet me çmim rekord
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
Tritol banesës së gjyqtarit, reagon ministri i Drejtësisë
-
Macron dëshiron të hapë debatin mbi parandalimin bërthamor evropian
-
Pas Prizrenit, më 2 maj edhe Tirana e dekoron Ali Ahmetin me titullin “Qytetar Nderi”