Ministria e Punëve të Jashtme të Austrisë, përmes një cicërime në rrjetin social Twitter, ka mirëpritur njoftimin për heqjen e barrikadave në veri të Kosovës, të cilat nga 10 dhjetori kanë pamundësuar lëvizjen e lirë të qytetarëve.
Në këtë cicërim veçanërisht është falënderuar përpjekja e Bashkimit Evropian, Shteteve të Bashkuara dhe KFOR-it për të zhbllokuar ngërçin e krijuar pas bllokimit të rrugëve në katër komunat veriore të Kosovës.
“Ne mirëpresim de-përshkallëzimin midis Kosovës dhe Serbisë të lehtësuar nga BE-ja, ShBA-të dhe KFOR-i. Ne kemi shumë nevojë për stabilitet në rajon, angazhim të menjëhershëm dhe konstruktiv nga të dyja palët, si dhe përparim real në dialogun e normalizimit”.
“Asnjë pengesë në rrugën drejt BE-së!”, thuhet në cicërimën e MPJ-së austriake.
We welcome the de-escalation between #Serbia and #Kosovo facilitated by 🇪🇺 & 🇺🇸 & @NATO_KFOR. We very much need stability in the region, immediate & constructive engagement by both sides, as well as real progress in the normalisation dialogue. No roadblocks on the path to the EU!
— MFA Austria (@MFA_Austria) December 29, 2022
Qeveria e Kosovës asnjëherë nuk ka njoftuar zyrtarisht se po zhvillon negociata për heqjen e barrikadave në veri dhe madje kryeministri Albin Kurti, u shpreh i befasuar të mërkurën kur u lirua nga paraburgimi Dejan Pantiç.
Por, Përfaqësuesi i Lartë i Bashkimit Evropian, Josep Borrell, gjatë ditë shkroi në Twitter duke treguar se si diplomacia u tregua funksionale dhe falënderoi edhe Kurtin për konstruktivitet.
Ai madje ka falënderuar veçanërisht liderët e dy vendeve për rolin e tyre në këtë arritje.
“Punë e mrekullueshme ekipore e BE-së, SHBA dhe NATO-s. Faleminderit të gjithëve që u përfshinë”, tha Borrell derisa shtoi se “tani na duhet progres urgjent në dialog”.
Ndryshe, pas 20 ditësh disa serbë të maskuar i kanë larguar barrikadat nga veriu i Kosovës të cilat i kishin vendosur në shenjë pakënaqësie pasi policia e kishte arrestuar ish-policin serb Dejan Pantiç, i cili dyshohet për sulmin e 6 dhjetorit në zyrën e Komisionit Qendror të Zgjedhjeve në këtë pjesë.
Pas Rudarës, edhe në Lagjen e Boshnjakëve në Mitrovicën Veriore ka filluar heqja e barrikadave të cilat ishin vendosur më 27 dhjetor, ndërsa kryeministri Albin Kurti, ka theksuar se “kot u lodhën me barrikada, tash vetë po i heqin”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lajçaku shpreson që Kurti e Vuçiçi të shfaqin vizion dhe guxim në Bruksel
-
Kurti, rekordmeni i takimeve me Vuçiç-in
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim