Shërbimet e urgjencës në Spanjë kanë konfirmuar vdekjen e shtatë personave pasi një autobus u rrëzua nga një urë në një lumë në prag të Krishtlindjeve.
Dy persona, duke përfshirë shoferin, u lënduan pasi autobusi që udhëtonte nga Lugo në Vigo ra nga një lartësi prej rreth 30 metra në lum.
Zyrtarët thonë se moti i keq mund të ketë shkaktuar aksidentin.
Ata thonë se shoferi i autobusit ka rezultuar negativ për alkool dhe drogë.
Ekipet e shpëtimit fillimisht përfunduan kërkimin e tyre pranë fshatit Pedre, jo shumë larg kryeqytetit rajonal të Galicisë, Santiago de Compostela, në ditën e Krishtlindjes pasi gjetën gjashtë trupa.
Por ata rifilluan operacionin pasi një pasagjer i mbijetuar tha se një shoqe me të cilën kishte udhëtuar nuk ishte në listën zyrtare të viktimave.
Gruaja nuk ishte raportuar e zhdukur pasi askush nuk e kishte pritur, tha një zëdhënës i policisë së Guardia Civil për agjencinë e lajmeve “AFP”.
Trupi i saj u pa nga një helikopter në lumë mëngjesin e së hënës.
Shërbimet e urgjencës u alarmuan fillimisht për incidentin nga një shofer që kalonte, i cili u tha atyre se një pjesë e pengesës së sigurisë së urës mungonte.
Vetëm pak minuta më vonë, një nga të mbijetuarit i thirri nga brenda autobusit pasi po mbushej shpejt me ujë.
Kjo ndihmoi ekipet e shpëtimit për të gjetur me shpejtësi vendin e rrëzimit.
Midis atyre në bord ishin njerëz që sapo kishin vizituar të dashurit në një burg në Galicia qendrore, shton AFP, duke cituar mediat lokale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hakerët pro-rusë pretendojnë sulme kundër faqes së Melonit dhe të ministrive
-
Betimi i Putinit – Oligarkë, patriarkë dhe nipër sekretë
-
Zyrtarët e Ministrisë së Infrastrukturës lirohen nga akuza për keqpërdorim detyre për autostradën e Gjilanit
-
Me tensione të herëpashershme, mbyllet protesta e opozitës para Bashkisë Tiranë
Lajmet kryesore
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Kosova e Serbia s’mund të përfitojnë nga miliardat e BE-së pa i normalizuar raportet