Koalicioni opozitar në Serbi “Zajedno – Sëbashku”, kanë dalë me një reagim kundër presidentit serb, Aleksandër Vuçiç, pas deklaratave ofenduese ndaj kryeministrit të Kosovës, Albin Kurti.
Politika që po ndjekë aktualisht Vuçiç, sipas tyre, është e njëjtë me frymen e regjimit fashist të Slobodan Millosheviç’it gjatë viteve të 90-ta, deri në momentin e kapitullimit më 1999.
“Nëse presidenti vendosi ta marrë malin, i kujtojmë se ai nuk ka të drejtë të çojë në rrënim një popull të tërë, siç bënë në vitet nëntëdhjetë të qeverisjes, në të cilën ai ishte edhe ministër”, thuhet në një komunikatë në rrjetin social Facebook.
Ata vlerësojnë se politika e qeverisë serbe ndaj Kosovës ka hyrë në një qorrsokak dhe sipas tyre, kjo gjendje nuk do të ndryshojë me asnjë trillim.
“Serbia duhet të dalë me një vizion për Ballkanin Perëndimor, siç i ka hije shekullit 21, si një rajon paqeje dhe prosperiteti për më shumë se njëzet milionë njerëz që jetojnë këtu”.
Gjithashtu, nga kjo parti politike kanë mohuar se shefi i tyre, Nebojsha Zelenoviç, siç pretenduan nga Partia Progresiste e Serbisë, i kërkoi bashkëpunim ministrit për Komunitete dhe Kthim, Nenad Rashiç’it, pasi u emërua në këtë pozitë.
“Nebojsha Zelenoviç nuk i ka dërguar asnjëherë thirrje për bashkëpunim politik asnjë ministrit serb në Qeverinë e Prishtinës, madje as këtij të fundit. Gënjeshtrat e SNS-së janë të pafundme, siç kanë qenë gjithmonë”.
Ndryshe, Zelenoviç është akuzuar vazhdimisht për thirrjet e tij që zyrtarët serbë të ballafaqohen me realitetin, sidomos ndaj pavarësisë së Kosovës dhe mbështetjen për sanksionimin e Rusisë për shkak të agresionit në Ukrainë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit