Protestuesit kanë hedhur mjete zjarrvënëse pranë objektit të Qeverisë së Kosovës në shenjë revolte për ngjarjen trishtuese që ndodhi të mërkurën në hapësirat e Qendrës Klinike Universitare të Kosovës (QKUK), ku një grua 35 vjeçare – në ditët e fundit të shtatzënisë – mbeti viktimë e një krimi monstruoz.
Sipas raportimeve të mediave, aktivistja Neri Ferizi, është arrestuar nga Policia e Kosovës pasi dyshohet se ka hedhur mjetin shpërthyes në drejtim të ndërtesës së qeverisë.
Protesta filloi rreth orës 16:00, në qendër të Prishtinës, përkatësisht në Sheshin Zahir Pajaziti nën moton: “Dorëheqja nuk mjafton” dhe “Polici i keni duart me gjak”.
Qindra protestues kanë bërë thirrje që autoritetet përkatëse të dorëhiqen pas vrasjes që tronditi shoqërinë kosovare.
Ngjarja makabre – një javë nga vrasja tjetër e një guraje nga burri i saj në Prishtinë – ndodhi rreth orës 18:00, në oborrin e Spitalit të Gjinekologjisë.
Vdekja i zuri vend lindjes, gjë që i jep karakter më monstruoz rastit.
Në anën tjetër, vrasësi S.H., 31 vjeçari nga Shtimja, është ish-bashkëshorti i viktimës dhe vazhdon të jetë në arrati.
Ai e ka qëlluar me disa plumba ish-bashkëshorten, Hamide Magashin, nga fshati Llugaxhi i Lipjanit.
Teksa rasti vazhdon të jetë nën hetime nga njësitet kompetente policore, Gjykata Themelore e Ferizajt, ka bërë të ditur se viktima ka pasur urdhër-mbrojtje që nga data 8 shtator 2022.
Një shoqëri që po zhytet në një krim simptomatik ndaj grave, sot është rasti të bëjë një pakt: Kundër dhunës! Çfarëdo dhe pavarësisht motivit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Abraham bën thirrje që të respektohen standardet evropiane: Kosova në Këshill të Evropës për stabilitetin e rajonit
-
Axhançiç: Shumë politikanë serbë në Kosovë takohen fshehurazi me Kurtin, unë s’fshihem
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Macron i kënaqur me reagimin e Kremlinit ndaj komenteve të tija: Ankthi rus tregon se kemi të drejtë
Lajmet kryesore
-
Rusia po komploton sabotim në të gjithë Evropën, paralajmërojnë agjencitë e inteligjencës
-
Për britaniken Express, Dhërmiu është destinacioni më i bukur evropian për pushimet 2024
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Abraham bën thirrje që të respektohen standardet evropiane: Kosova në Këshill të Evropës për stabilitetin e rajonit