Rikthimi i Andrei Lugovoi-t dhe i kërcënimeve ndaj Zelensky-t

“Mendoj se debati i sotëm duhet të titullohet: Drejtësinë duhet ta marrim në duart tona”.

Kushdo që flet kështu në një studio televizive, nuk është thjesht një zëdhënës, por dikush që fatkeqësisht e di se për çfarë po flet.

Quhet Andrei Lugovoi, një deputet rus që është i përfshirë në helmimin dhe vrasjen e ish-spiunit rus Alexander Litvinenko.

Ka një “dyshim të fortë” se Andrei Lugovoi dhe Dmitriy Kovtun, njerëzit që helmuan Litvinenko-n, vepruan si “agjentë të qeverisë ruse”.

Logovoi vazhdon, i ftohtë.

“Zelensky dhe rrethi i tij duhet të jenë të parët që do të ngjiten në trekëmbësh. Sot i kujtova Zelensky-t se historia duhet të mbahet mend. I rekomandova atij dhe rrethimit të tij që kujtimet e Pavel Sudoplatov të ishin në tavolinat e tyre. Besoj se e ardhmja e tyre përshkruhet atje me saktësi të mjaftueshme”.

Por kush është Sudoplatov dhe çfarë tregohet në kujtimet e tij, me titull “Detyrat speciale”.

Në kujtimet e një dëshmitari të padëshiruar thuhet se ai është njeriu që ishte i përfshirë në disa operacione të rëndësishme të inteligjencës sovjetike, duke përfshirë vrasjen e Trotski-t në vitin 1940.

Po ashtu i përfshirë edhe në të ashtuquajturin Operacioni Scherhorn, një operacion mashtrimi sovjetik i kryer nga NKVD në Berlin në gusht 1944 kundër inteligjencës naziste.

Lugovoi vazhdon sërish.

“Nuk duhet të kemi turp për këtë. Në të ardhmen do të na duhet t’i gjuajmë dhe t’i ndjekim ata në të gjithë botën, kudo që të jenë. Unë jam i sigurt se atyre u janë dhënë garanci, nga shërbimet e inteligjencës amerikane dhe britanike, se diku, në Kaliforni apo gjetkë, ka pallate të fshehura, të maskuara për secilin prej tyre, ku ata ndoshta do të jenë të lumtur të jetojnë”.

Por ai nuk mendon se jeta e tyre do të jetë me fat, ose se ata do të jenë shumë të suksesshëm.

Historia e Lugovoi-t flet vetë.

Më 21 shtator 2021, Gjykata Evropiane në Strasburg vendosi në bazë të një apeli të gruas së Litvinenko-s, e cila ka zhvilluar një betejë ligjore prej vitesh duke pretenduar se burri i saj u vra nga burra që vepronin në emër të qeverisë ruse, ose me mirëkuptimin dhe ndihmën e shtetit, dhe se Kremlini nuk ka kryer kurrë një hetim të vërtetë për të konstatuar faktet.

Në dënim, Gjykata përcakton se “qeveria ruse nuk ka dhënë asnjë shpjegim tjetër të kënaqshëm dhe bindës të ngjarjeve ose të aftë për të zhvlerësuar rezultatet e hetimit të kryer nga Mbretëria e Bashkuar”.

Gjithashtu dënon Rusinë të paguajë 100 mijë euro për jo dëmshpërblim monetar për gruan e Litvinenko-s dhe 22 mijë e 500 të tjera për shpenzimet ligjore.

Edhe britanikët kishin arritur në të njëjtat përfundime.

Në janar 2016 – pas një hetimi që zgjati me muaj dhe dhjetë vjet pas helmimit, i cili ndodhi në një hotel në Londër më 23 nëntor 2006 – gjyqtari Robert Owen arriti në përfundimin se Putin-i “ndoshta” e kishte “miratuar” vrasjen.

Kështu, u publikua një hetim publik, përfundimet e të cilit nuk janë kundërshtuar kurrë.

Frika është se Logovoi mund të dëshirojë t’i rikthehet punës.

Marrë nga “La Stampa”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.