Kryeministri i Kosovës, Albin Kurti, gjatë qëndrimit të tij në Mbretërinë e Bashkuar është takuar me deputetët e Grupeve Parlamentare.
Gjatë këtij takimi, kreut të ekzekutivit atij iu premtua përkrahje për anëtarësimin në Këshillin e Evropës, në NATO dhe institucione të tjera.
“Kryeministri i Kosovës, Albin Kurti, i shoqëruar nga ambasadori Ilir Kapiti, në Parlamentin Britanik takoi sot deputetët e Grupeve Parlamentare të Mbretërisë së Bashkuar, APPG (All Party Parliamentary Group), të përbërë nga: Harriett Baldëin, Stephen Doughty, Alex Sobel, Martin Vickers, Luke Pollard, Mattheë Offord dhe Tony Lloyd”.
“Kryeministrit Kurti gjatë takimit iu premtua përkrahja e plotë për Kosovën për anëtarësim në Këshillin e Evropës, në NATO dhe institucione tjera ndërkombëtare”.
Tutje në njoftimin e Zyrës së Kryeministrit është thënë se Kurti i njoftoi deputetët edhe për të arriturat në Kosovë, sundimin e ligjit, ngritjen ekonomike, dhe çështje tjera aktuale në Kosovë dhe rajon.
Më 31 tetor, edhe Ministri i Shtetit i Mbretërisë së Bashkuar për Evropën dhe Amerikën e Veriut, James Cleverly është takuar me kryeministrin e Kosovës, Albin Kurti.
Cleverly e ka bërë të ditur këtë përmes një cicërime në rrjetin social ‘Twitter’ ku ka thënë se temë diskutimi kanë pasur marrëdhëniet mes Kosovës dhe Serbisë.
“Sot kam takuar kryeministrin e Kosovës, Albin Kurti përpara Samitit të Procesit të Berlinit. Ne diskutuam për marrëdhëniet Kosovë-Serbi dhe nevojën për guxim dhe kompromis për të mirën e njerëzve në të dy vendet”.
Sipas tij, “marrëdhëniet Britani-Kosovë janë të forta dhe të gjata”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti takon nënkryetaret serbe të komunave veriore, diskutojnë për lirinë e asociimit
-
Vuçeviç: BE-ja dëshiron ta poshtërojë Serbinë duke e detyruar ta njohë Kosovën
-
Hoti: Slogani i LVV-së “Drejtësi dhe Punësim” ka qenë “mashtrim i tipit të komunizmit”
-
Haradinaj, Qeverisë: Dialogu me sindikatat u shndërrua në platformë monologu, asnjë progres i shënuar
Lajmet kryesore
-
Në 6-mujorin e dytë norma e inflacionit mbeti mbi nivelin e synuar të BSH-së
-
Rama nga impianti i Ferrokromit: Sistemi i filtrimit, 2 milionë euro investim
-
Borrelli thotë se Ballkani Perëndimor ka shansin historik për të lidhur të ardhmen me BE-në
-
Kurti takon nënkryetaret serbe të komunave veriore, diskutojnë për lirinë e asociimit